ప్రశాంత వాతావరణంలో ఎన్నికలు నిర్వహించడమే లక్ష్యం

నేటి దినపత్రిక సూర్య బ్యూరో రాజమహేంద్రవరం

రాబోయే స్థానిక సంస్థల (పంచాయతీ) ఎన్నికల నేపథ్యంలో అంబాజీపేట బస్టాండ్ సెంటర్ నుండి పి.గన్నవరం సర్కిల్ పోలీసులు సోమవారం ఫ్లాగ్ మార్చ్ నిర్వహించారు.

పి.గన్నవరం సర్కిల్ ఇన్స్పెక్టర్ ఆర్.భీమరాజు ఆధ్వర్యంలో అంబాజీపేట సెంటర్లో కాలినడకన ఈ ఫ్లాగ్ మార్చ్ ప్రారంభమైంది. ఈ కార్యక్రమంలో ఎస్ఐ లు ఎస్ కె సుభాని, ఈ నరసింహమూర్తి, ఏ ఎస్ ఐ లు , పోలీసు సిబ్బంది పాల్గొన్నారు.ఈ సందర్భంగా సీఐ ఆర్.భీమరాజు మాట్లాడుతూ రానున్న పంచాయతీ ఎన్నికల నేపథ్యంలో ప్రశాంత వాతావరణంలో ఎన్నికలు నిర్వహించడమే లక్ష్యంగా ఫ్లాగ్ మార్చ్ నిర్వహిస్తున్నామన్నారు. శాంతి భద్రతల పరిరక్షణలో అందరూ భాగస్వాములు కావాలి. సమస్యాత్మక ప్రాంతాలుగా గుర్తించిన  అంబాజీపేట మండలంలో గంగలకుర్రు,మాచవరం, ఇసుకపూడి, చిరుతపూడి,పి.గన్నవరం మంలడంలో పప్పులవారిపాలెం (కుందాలపల్లి), బెల్లంపూడి, ఉడుమూడి గ్రామాల్లో ప్రత్యేకంగా ఫ్లాగ్ మార్చ్ నిర్వహిస్తాం. ప్రజలు ఎలాంటి భయం లేకుండా ఓటు హక్కు వినియోగించుకోవాలి, ఎన్నికల నియమావళిని పాటించాలని అవగాహన కల్పించారు.