పోలింగ్ కేంద్రాల్లో వసతుల కల్పనపై దృష్టి సారించాలని ఆదేశం.. మోడల్ కోడ్ ఆఫ్ కండక్ట్ పై పీడీఓలకు.. ఎంపిడిఓ మమత సూచనలు

 -అంబాజీపేటమేజర్ న్యూస్ :ఎంపీటీసీ, జడ్పీటీసీ ఎన్నికల నేపథ్యంలో పోలింగ్ కేంద్రాల వద్ద అన్ని వసతులను ముందస్తుగా ఏర్పాటు చేసుకోవాలని మండల ప్రజా పరిషత్ కార్యాలయ సమావేశంలో ఎంపిడిఓ బి.మమత అన్నారు. శనివారం అంబాజీపేట మండల ప్రజా పరిషత్ కార్యాలయంలో పీడీఓలు, గ్రామ పంచాయతీ సిబ్బందితో ఆమె సమావేశం నిర్వహించారు.ఈ సందర్భంగా ఎన్నికల నిర్వహణ, మోడల్ కోడ్ ఆఫ్ కండక్ట్ అమలు తీరుపై పలు సూచనలు జారీ చేశారు. ఎన్నికల నిబంధనలు పకడ్బందీగా అమలు చేయాలని, ఎలాంటి లోటుపాట్లు లేకుండా సిద్ధం కావాలని అధికారులకు స్పష్టం చేశారు.ఈ కార్యక్రమంలో డిప్యూటీ ఎంపిడిఓ లు కె.శ్రీనివాస్,ఎండి.అబ్బాస్ ఆలీ, మండల పంచాయతీ కార్యదర్శులు,పంచాయతీ సిబ్బంది పాల్గొన్నారు.