పెంచలోరి సన్నిధిలో శ్రీ త్రిదండి దేవనాధ రామానుజ జీయర్ స్వామి

నెల్లూరు కల్చరల్ మేజర్ న్యూస్  :  శ్రీ పొట్టిశ్రీరాములు నెల్లూరు జిల్లా, రాపూరు మండలంలోని ప్రముఖ పుణ్యక్షేత్రమైన పెంచలకోనకు మంగళవారం సాయంత్రం శ్రీశ్రీశ్రీ త్రిదండి దేవనాధ రామానుజ జీయర్ స్వామి  విచ్చేశారు. క్షేత్రానికి విచ్చేసిన స్వామివారికి ఆలయ అధికారులు, అర్చకులు భక్తిశ్రద్ధలతో ఘన స్వాగతం పలికారు.
ఆలయ ప్రధాన అర్చకులు, ఇతర అర్చకులు, వేద పండితులు మంగళ వాయిద్యాలు, వేద మంత్రోచ్ఛారణల నడుమ జీయర్ స్వామివారికి ఆలయ మర్యాదలతో స్వాగతం ఏర్పాటు చేశారు. అనంతరం ఆయన శ్రీ పెనుశిల లక్ష్మీ నరసింహ స్వామి వారిని, శ్రీ ఆదిలక్ష్మి అమ్మవారిని, శ్రీ ఆంజనేయ స్వామి వారిని దర్శించుకుని ప్రత్యేక పూజలు నిర్వహించారు.ఈ కార్యక్రమం ఆలయ ఉప కమిషనర్, కార్యనిర్వహణాధికారి కోవూరు జనార్ధన్ రెడ్డి పర్యవేక్షణలో ఆలయ సిబ్బంది, వేద పండితులు తదితరులు పాల్గొన్నట్లు ఒక ప్రకటనలో తెలిపారు.