పల్లె పండుగను విజయవంతం చేద్దాం

- పువ్వాడి వెంకటేశ్వర్లు పిలుపు

- 29న రామాపురంలో జరిగే కార్యక్రమానికి మండల నేతలు, కార్యకర్తలు భారీగా తరలిరావాలి

- ప్రతి గ్రామం నుంచి ప్రజల భాగస్వామ్యం ఉండేలా సమన్వయంతో పనిచేయాలి

పామూరు, మేజర్ న్యూస్ : ఈ నెల 29న వరికుంటపాడు మండలంలోని  రామాపురంలో నిర్వహించనున్న పల్లె పండుగ-3.0 కార్యక్రమానికి రాష్ట్ర ముఖ్యమంత్రి నారా చంద్రబాబు నాయుడు, ఉప ముఖ్యమంత్రి కొణిదెల పవన్ కళ్యాణ్ హాజరుకానున్న నేపథ్యంలో కార్యక్రమాన్ని విజయవంతం చేయాలని తెలుగుదేశం పార్టీ మండల సీనియర్‌ నాయకులు,మాజీ పామూరు మండల అధ్యక్షుడు పువ్వాడి వెంకటేశ్వర్లు పిలుపునిచ్చారు. మండలంలోని తెలుగుదేశం పార్టీ నాయకులు, కార్యకర్తలు పెద్ద సంఖ్యలో పాల్గొని కార్యక్రమాన్ని విజయవంతం చేయాలని కోరారు. పామూరు మండలంలోని ప్రతి గ్రామం నుంచి పార్టీ శ్రేణులు, ప్రజలు కార్యక్రమానికి తరలివచ్చేలా నాయకులు సమన్వయంతో పనిచేయాలని సూచించారు. ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ పాల్గొనే ఈ కార్యక్రమానికి పామూరు మండలం నుంచి పెద్దఎత్తున హాజరై విజయవంతం చేయాల్సిన బాధ్యత పార్టీ శ్రేణులపై ఉందన్నారు. నాయకులు, కార్యకర్తలు సమన్వయంతో ముందుకు సాగి ప్రతి గ్రామం నుంచి ప్రజల భాగస్వామ్యం ఉండేలా కృషి చేయాలని పువ్వాడి వెంకటేశ్వర్లు కోరారు.