కూటమి పాలనలో జీ అగ్రహారానికి మహర్దశ రోడ్డు నిర్మాణానికి రూ.50 లక్షలు మంజూరు

చీపురుపల్లి మేజర్ న్యూస్:

జి అగ్రహారానికి మహర్దశ పట్టిందని, రూ.50 లక్షలతో రహదారి మంజూరైందని శాసన సభ్యులు కిమిడి కళా వెంకటరావు చెప్పారు. 
రవాణా వ్యవస్థను ఆధునీకరించే లక్ష్యంతో సాగుతున్న 'పల్లె పండుగ 3.0' ఉత్సవాల్లో భాగంగా జీ అగ్రహారంలో రూ. 50.00 లక్షల వ్యయంతో చేపడుతున్న నూతన బి.టి. రహదారి నిర్మాణ పనులకు  శాసనసభ్యులు కిమిడి కళా వెంకటరావు  శనివారం భూమిపూజ నిర్వహించారు.  పనులను ప్రారంభించిన అనంతరం ఎమ్మెల్యే మాట్లాడుతూ గత పాలకుల అలసత్వంతో ఛిద్రమైన పల్లె బాటలకు పూర్వవైభవం తీసుకురావడమే ధ్యేయంగా కూటమి ప్రభుత్వం పనిచేస్తోందని తెలిపారు. ముఖ్యమంత్రి  నారా చంద్రబాబు నాయుడు పటిష్టమైన ప్రణాళిక, ఉపముఖ్యమంత్రి పవన్ కళ్యాణ్  పల్లెల అభివృద్ధి పట్టుదల ఫలితంగానే  నియోజకవర్గంలో మూలమూలకూ రహదారి సౌకర్యం చేరుతోందని ఆనందం వ్యక్తం చేశారు. రాకపోకలకు వీలుగా నాణ్యమైన రహదారులను నిర్మించి, రైతులు తమ పంట ఉత్పత్తులను మార్కెట్లకు తరలించేందుకు, విద్యార్థులు, ప్రజలు సురక్షితంగా ప్రయాణించేందుకు నిరంతరం కృషి చేస్తున్న సీఎం చంద్రబాబు నాయుడు, డిప్యూటీ సీఎం పవన్ కళ్యాణ్ కు ఈ సందర్భంగా ప్రత్యేక ధన్యవాదాలు తెలిపారు. నిర్ణీత వ్యవధిలో పనులు పూర్తి చేసి ప్రజలకు అందుబాటులోకి తీసుకురావాలని అధికారులను ఆదేశించారు. ఈ కార్యక్రమంలో కూటమి నాయకులు రౌతు కాము నాయుడు ఆలయ కమిటీ చైర్మన్ గవిడి నాగరాజు, రామచంద్రుడు, వలిరెడ్డి శ్రీనివాస నాయుడు, విసనగిరి శ్రీనివాసరావు, మహిళలు, గ్రామస్థులు పెద్ద సంఖ్యలో పాల్గొన్నారు.