కూటమి అభ్యర్థులవిజయం కోరుతూ దేశం నేత నాయుడు ప్రచారం

 నరసాపురం, మేజర్ న్యూస్ :మున్సిపల్ ఎన్నికల ప్రచారంలో భాగంగా శుక్రవారం పట్టణంలోని 8వ వార్డులో ఎన్డీఏ కూటమి బలపరిచిన అభ్యర్థుల తరపున ప్రచారం జోరుగా సాగింది. ఈ  కార్యక్రమంలో తెలుగుదేశం పార్టీ రాష్ట్ర సీనియర్ నాయకులు, కొవ్వలి ఫౌండేషన్ ఛైర్మన్  కొవ్వలి యతిరాజ రామ్మోహన్ నాయుడు ముఖ్య అతిథిగా పాల్గొని ఇంటింటి ప్రచారం నిర్వహించారు.

​జనసేన పార్టీ మున్సిపల్ చైర్‌పర్సన్ అభ్యర్థి  కొత్తపల్లి శైలజ, తెలుగుదేశం పార్టీ 8వ వార్డు కౌన్సిలర్ అభ్యర్థి  కోటిపల్లి లక్ష్మిలతో కలిసి ఆయన వార్డులోని ప్రతి గడపకూ వెళ్లి ఓటర్లను ప్రత్యక్షంగా కలిశారు. కూటమి ప్రభుత్వం రాష్ట్రంలో ప్రవేశపెట్టిన సంక్షేమ పథకాలు, చేపడుతున్న అభివృద్ధి పనులను ప్రజలకు వివరించారు. నరసాపురం పట్టణ సమగ్ర అభివృద్ధి సాధించాలంటే కూటమి అభ్యర్థుల విజయం ఎంతో కీలకమని, సైకిల్, గాజుగ్లాసు గుర్తులకు ఓటు వేసి చైర్‌పర్సన్ అభ్యర్థి కొత్తపల్లి శైలజను, కౌన్సిలర్ అభ్యర్థి కోటిపల్లి లక్ష్మిని అత్యధిక మెజారిటీతో గెలిపించాలని ఆయన వార్డు ప్రజలను కోరారు.

​ఈ ప్రచార కార్యక్రమంలో కూటమి పార్టీల ముఖ్య నాయకులు, కార్యకర్తలు, కొవ్వలి ఫాలోవర్స్  వార్డు ప్రజలు పెద్ద సంఖ్యలో పాల్గొన్నారు.