కళ్యాణదుర్గం అభివృద్ధికి అండగా నిలవండి.… టీడీపీ అభ్యర్థి గెలుపునకు భర్త తిమ్మరాజులు, కుమారుడు హరీష్ విస్తృత ప్రచారం ఎమ్మెల్యే అమిలినేని సురేంద్రబాబు నాయకత్వంలో పట్టణాన్ని మరింత అభివృద్ధి చేస్తాం.. అభివృద్ధే మా ప్రధాన లక్ష్యం

కళ్యాణదుర్గం ఇంచార్జ్, (కళ్యాణదుర్గం ఇన్చార్జ్, మేజర్ న్యూస్) : పట్టణ అభివృద్ధిని మరింత వేగవంతం చేయడంతోపాటు ప్రజలకు మెరుగైన మౌలిక సదుపాయాలు కల్పించడమే తమ ప్రధాన లక్ష్యమని తెలుగుదేశం పార్టీ అభ్యర్థి కుటుంబ సభ్యులు పేర్కొన్నారు. మున్సిపల్ ఎన్నికల నేపథ్యంలో టీడీపీ అభ్యర్థి గెలుపే లక్ష్యంగా ఆమె భర్త బుట్నా తిమ్మరాజులు, కుమారుడు బుట్న హరీష్ పట్టణంలో విస్తృత ప్రచారం చేపట్టారు. ఇంటింటికీ వెళ్లి ప్రజలను కలుస్తూ పార్టీ అభ్యర్థికి మద్దతు ఇవ్వాలని కోరుతున్నారు.

ఈ సందర్భంగా వారు మాట్లాడుతూ ఎమ్మెల్యే అమిలినేని సురేంద్రబాబు నేతృత్వంలో కళ్యాణదుర్గం పట్టణం అభివృద్ధి దిశగా ముందుకు సాగుతోందని తెలిపారు. ఇప్పటికే చేపడుతున్న అభివృద్ధి కార్యక్రమాలకు మరింత తోడ్పాటు అందించేందుకు ప్రజలు సహకరించాలని విజ్ఞప్తి చేశారు. పట్టణంలో రహదారులు, పారిశుద్ధ్యం, తాగునీరు తదితర మౌలిక సదుపాయాల మెరుగుదలకు కృషి చేయాలనే సంకల్పంతో ఉన్నామని పేర్కొన్నారు.

అభివృద్ధికి ప్రజల సహకారం అవసరం

ఎమ్మెల్యే సురేంద్రబాబు నాయకత్వంలో పట్టణ అభివృద్ధికి ప్రత్యేక చొరవ తీసుకుంటామని, ప్రజల అవసరాలను గుర్తించి సమస్యల పరిష్కారానికి కృషి చేస్తామని వారు తెలిపారు. ప్రజల ఆశలు, ఆకాంక్షలకు అనుగుణంగా పనిచేస్తూ కళ్యాణదుర్గాన్ని మరింత అభివృద్ధి చెందిన పట్టణంగా తీర్చిదిద్దేందుకు తమ వంతు బాధ్యత నిర్వహిస్తామని పేర్కొన్నారు.

పట్టణ అభివృద్ధి నిరంతర ప్రక్రియ అని, అందుకు ప్రజల సహకారం ఎంతో అవసరమని చెబుతూ టీడీపీ అభ్యర్థికి మద్దతు ఇచ్చి గెలిపించాలని తిమ్మరాయిలు, హర్షిత్ ఓటర్లను అభ్యర్థించారు. ఎమ్మెల్యే సురేంద్రబాబు చేపడుతున్న అభివృద్ధి కార్యక్రమాలకు ప్రజలు అండగా నిలిస్తే కళ్యాణదుర్గం మరింత ప్రగతి సాధిస్తుందని వారు ఆశాభావం వ్యక్తం చేశారు.