జిల్లాలో మొదటి రోజు సందడిగా ప్రారంభమైన పల్లె పండుగ కార్యక్రమం

అనకాపల్లి ప్రతినిధి, సెప్టెంబర్ 29, మేజర్ న్యూస్: 
జిల్లాలో మొదటి రోజు పల్లె పండుగ కార్యక్రమం సందడిగా ప్రారంభమైంది. మంగళవారం పల్లె పండుగ 3.0 కార్యక్రమములో భాగంగా పంచాయత్ రాజ్ ఇంజనీరింగ్ శాఖలో అనకాపల్లి జిల్లాలో సి.సి. రోడ్లు 2356 పనులకు రూ.176.00కోట్లు అంచనా విలువతో 363.48 కిలోమీటర్లు మంజూరు కాగా డబ్ల్యూ బి ఎంరోడ్లు 11 పనులకు గాను రూ.2.67 కోట్ల రూపాయలతో 6.64 కిలోమీటర్లు మరియు బి టి రోడ్లు 38 పనులకు గాను రూ. 16.90 కోట్లతో 31.10 కిలోమీటర్లు మంజూరు కాబడినవి. మొత్తం 2405 పనులకు గాను రూ.195.17కోట్లుతో 400.91 కిలోమీటర్లు మంజూరు అయినవి.
జిల్లాలో పల్లె పండుగ 3.0 సందర్భంగాఆంధ్ర ప్రదేశ్ శాసన సభాపతి  చింతకాయల అయ్యన్నపాత్రుడు పల్లె పండుగ 3.0 కార్యక్రమము సందర్భంగా మంగళవారం నాతవరం మండలం, డి. యెర్రవరం గ్రామంలో సి.సి. రోడ్లకు శంకుస్థాపన చేశారు.
జిల్లా కలెక్టర్ విజయ కృష్ణన్  మంగళవారం మధ్యాహ్నం రాంబిల్లి మండలం, హరిపురం గ్రామములొ సి.సి. రోడ్ల పనులకు  యలమంచిలి శాసన సభ్యులు సుందరపు విజయ కుమార్ తో కలిసి శంకుస్థాపన చేశారు.
చోడవరం శాసన సభ్యులు  కె.ఎస్.ఎన్.ఎస్. రాజు మంగళవారం చోడవరం మండలం, చోడవరం శివారు అన్నవరం గ్రామములొ సి.సి. రోడ్లుకు  శంకుస్థాపన చేశారు.