హనుమద్ వాహనంపై గోవిందుడి దివ్య దర్శనం

(అనంతపురం విద్య మేజర్ న్యూస్ )అనంతపురం నగరంలోని ఆర్ఎఫ్ రోడ్డు శ్రీ లక్ష్మీ వెంకటేశ్వర స్వామి ఆలయంలో శ్రీవారి బ్రహ్మోత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా ఉదయం స్వామివారి మూలవిరాట్లకు విశేష అభిషేకాలు, హోమాలు నిర్వహించారు. సాయంత్రం కలియుగ వైకుంఠుడు శ్రీ వేంకటేశ్వర స్వామివారు సర్వాంగ సుందరంగా అలంకరించుకొని హనుమద్ వాహనంపై ఆశీనులై పురవీధుల్లో ఊరేగుతూ భక్తులకు దర్శనమిచ్చారు. స్వామివారి దివ్యమంగళ స్వరూపాన్ని దర్శించుకున్న భక్తులు గోవింద నామస్మరణతో తన్మయత్వం చెందారు. స్వామివారి కటాక్షం కోసం భక్తులు పెద్ద సంఖ్యలో తరలివచ్చి భక్తిపారవశ్యంలో మునిగిపోయారు.