ఎన్నికల్లో రాష్ట్రవ్యాప్తంగా కూటమి విజయం ఖాయం…………తుడా ఛైర్మన్ డా. డాలర్స్ దివాకర్ రెడ్డి

ఎన్నికల్లో రాష్ట్రవ్యాప్తంగా కూటమి విజయం ఖాయం…………తుడా ఛైర్మన్ డా. డాలర్స్ దివాకర్ రెడ్డి

తిరుపతి: స్థానిక సంస్థల ఎన్నికల్లో భాగంగా 66వ డివిజన్‌ లోని పోలింగ్ కేంద్రాన్ని తుడా ఛైర్మన్ తిరుమల తిరుపతి దేవస్థానం ఎక్స్ అఫిషియో మెంబర్ తెదేపా తిరుపతి పార్లమెంట్ ప్రధాన కార్యదర్శి డా. డాలర్స్ దివాకర్ రెడ్డి l 66 వ డివిజన్ అభ్యర్ధి అన్నా లోకేష్ అన్నా రామచంద్ర,అన్నా అనితతో సందర్శించి, పోలింగ్ సరళిని స్వయంగా పరిశీలించారు. అనంతరం పోలింగ్ కేంద్రం వెలుపల మీడియా ప్రతినిధులతో ఆయన మాట్లాడారు.కూటమి ప్రభుత్వం అధికారంలోకి వచ్చిన నాటి నుండి రాష్ట్రంలో చేపట్టిన సంక్షేమ,అభివృద్ధి కార్యక్రమాలే నేడు కూటమి అభ్యర్థుల ఘన విజయానికి బాటలు వేస్తున్నాయని డా. డాలర్స్ దివాకర్ రెడ్డి ధీమా వ్యక్తం చేశారు.గత ప్రభుత్వ హయాంలో జరిగినట్లుగా కాకుండా, కూటమి ప్రభుత్వంలో ఎలాంటి అవాంఛనీయ ఘటనలకు, గొడవలకు తావు లేకుండా పూర్తి పారదర్శకంగా, ప్రశాంత వాతావరణంలో ఎన్నికలు జరుగుతున్నాయని తెలిపారు. పటిష్టమైన పోలీసు బందోబస్తు మధ్య ప్రజలు ఎలాంటి భయాందోళనలు లేకుండా నిర్భయంగా తమ ఓటు హక్కును వినియోగించుకుంటున్నారని, ఉదయం నుండే ఓటర్లు ఉత్సాహంగా పోలింగ్ కేంద్రాలకు తరలివస్తున్నారని తెలిపారు.ప్రభుత్వ పనితీరుపై ప్రజల్లో ఉన్న సానుకూలత పోలింగ్ సరళిలో స్పష్టంగా కనిపిస్తోందని, రాష్ట్రవ్యాప్తంగా జరుగుతున్న స్థానిక సంస్థల ఎన్నికల్లో కూటమి అభ్యర్థుల విజయం నూటికి నూరు శాతం ఖాయమని ఆయన స్పష్టం చేశారు.