చెవిపోగు లాక్కున్న నిందితుడికి 6 నెలల జైలు శిక్ష, రూ.5,000/- జరిమానా

పిట్టలవానిపాలెం మండలం చందోలు గ్రామంలో మహిళ చెవికి ఉన్న బంగారు చెవిపోగును లాక్కొని, మరో చెవిపోగును లాక్కోవడానికి ప్రయత్నించిన కేసులో నిందితుడికి బాపట్ల అడిషనల్ జూనియర్ సివిల్ జడ్జి కోర్టు 6 నెలల జైలు శిక్షతో పాటు రూ.5,000/- జరిమానా విధించింది. జరిమానా చెల్లించని పక్షంలో అదనంగా ఒక నెల జైలు శిక్ష అనుభవించాలని  న్యాయమూర్తి శ్రీమతి జీ. రేణుక లత తీర్పు వెలువరించారు. నేరాలకు పాల్పడే వారికి చట్టపరంగా కఠిన చర్యలు తప్పవని, నేరస్తులకు శిక్ష పడే విధంగా దర్యాప్తు మరియు కోర్టు ట్రయల్స్‌ను సమర్థవంతంగా పర్యవేక్షిస్తున్నామని తెలిపారు.