అర్హులైన ప్రతి కుటుంబానికి ఎన్టీఆర్ భరోసా : పనబాక లక్ష్మి

ఎన్టీఆర్ భరోసాతో అర్హులైన ప్రతి కుటుంబానికి లబ్ధి చేకూర్చడమే కూటమి ప్రభుత్వ లక్ష్యమని టిడిపి పార్లమెంటు అధ్యక్షురాలు, టిటిడి పాలక మండల సభ్యులు పనభాకలక్ష్మి తెలిపారు. ఎన్టీఆర్ భరోసా పింఛన్ పంపిణీ కార్యక్రమంలో భాగంగా గురువారం తిరుమల బాలాజీ నగర్ లో లబ్ధిదారులకు పింఛన్లను పంపిణీ చేశారు. ఈ కార్యక్రమానికి ఆమెతోపాటు నంద్యాల పార్లమెంటు సభ్యురాలు బైరెడ్డి శబరి, ఎస్వి బిసి చైర్మన్ శ్రీధర్ వర్మతో కలిసి అర్హులైన లబ్ధిదారులకు పింఛన్లు అందజేసి భరోసా కల్పించారు.ఈ సందర్భంగా పనబాక లక్ష్మి మాట్లాడుతూ అర్హులైన ప్రతి కుటుంబానికి ఎన్టీఆర్ భరోసా పింఛన్ తో పాటు అన్ని సంక్షేమ పథకాల ప్రయోజనాలు అందేలా కూటమి ప్రభుత్వం చర్యలు తీసుకుంటోందని తెలిపారు. ప్రజలకు ఎలాంటి ఇబ్బందులు లేకుండా పింఛన్ల పంపిణీ సజావుగా జరిగేలా చూడాలని అధికారులకు సూచించారు.అనంతరం లబ్ధిదారులను నేరుగా కలిసి వారి సమస్యలను అడిగి తెలుసుకుని, వాటి పరిష్కారానికి తగిన చర్యలు తీసుకోవాలని అధికారులను ఆదేశించారు.ఈ కార్యక్రమంలో తిరుమల టిడిపి అధ్యక్షులు సుద్దాల రాజు యాదవ్, స్థానిక పార్టీ నాయకులు, వార్డు నాయకులు, కార్యకర్తలు, అధికారులు, లబ్ధిదారులు పాల్గొన్నారు.