అన్నదానం ప్రారంభించిన పువ్వాడి వెంకటేశ్వర్లు

పామూరు, మేజర్ న్యూస్ : నెల్లూరు జిల్లా వరికుంటపాడు మండలంలోని రామాపురంలో నిర్వహించే పల్లె పండుగ–3.0 బహిరంగ సభకు తరలివెళ్తున్న నాయకులు, కార్యకర్తల కోసం పామూరులోని పువ్వాడి రాధాకృష్ణ కల్యాణ మండపంలో ఏర్పాటు చేసిన భోజన కార్యక్రమాన్ని తెలుగుదేశం పార్టీ పామూరు మండల మాజీ అధ్యక్షుడు పువ్వాడి వెంకటేశ్వర్లు ప్రారంభించారు. సభకు వెళ్లే నాయకులు, కార్యకర్తలకు భోజన వసతి కల్పించాలనే ఉద్దేశంతో ఏర్పాటు చేసిన అన్నదాన కార్యక్రమాన్ని ఆయన ప్రారంభించి, భోజన ఏర్పాట్లను పరిశీలించారు. రామాపురం సభకు తరలివెళ్లే వారికి ఎలాంటి ఇబ్బందులు కలగకుండా భోజన వసతి కల్పించడం కోసం ఈ కార్యక్రమాన్ని ఏర్పాటు చేశారు. ఈ కార్యక్రమంలో మేజర్ పంచాయతీ మాజీ ఉపసర్పంచ్ యాదాల వెంకట సాయి కిరణ్, టిడిపి విభిన్న ప్రతిభావంతుల రాష్ట్ర కార్యదర్శి అడుసుమల్లి ప్రభాకర్ చౌదరి, గుంటుపల్లి శ్రీనివాసులు, పువ్వాడి వెంకటేశ్వర్లు బిల్డర్, పువ్వాడి రామారావు, సయ్యద్ అమీర్ బాబు, ఇర్రి కోటిరెడ్డి, షేక్ గౌస్ బాషా, నాయబ్ రసూల్ తదితరులు పాల్గొన్నారు.