ఆధ్యాత్మిక ప్రచారకులకు ఘన సత్కారం.మూడు దశాబ్దాలుగా భక్తిభావాన్ని పెంపొందిస్తున్న ఓం శక్తి సత్సంగం సేవలు అభినందనీయం.
అనపర్తి, మేజర్ న్యూస్. అనపర్తి పరిసర ప్రాంతాల్లో మూడు దశాబ్దాలకు పైగా ఆధ్యాత్మిక ప్రవచనాలు, భక్తి కార్యక్రమాల ద్వారా ప్రజల్లో భక్తిభావాన్ని పెంపొందించడంలో ఓం శక్తి సత్సంగం అధ్యక్షులు మేడపాటి వెంకటరమణారెడ్డి (గురు భవాని), సత్తి రామారెడ్డి చేస్తున్న సేవలు అభినందనీయమని వ్యాపారవేత్త కర్రి సుధాకర్ రెడ్డి అన్నారు.
స్థానిక వీరుళ్లమ్మ అమ్మవారి ఆలయ సన్నిధిలో త్రిశక్తి పీఠం నిర్వాహకులు మేడపాటి రామకృష్ణారెడ్డి, శివశంకర్ రెడ్డి ఆధ్వర్యంలో ఆధ్యాత్మిక కార్యక్రమాలు నిర్వహించారు. ఈ సందర్భంగా ఆదర్శ రైతు స్వర్గీయ నల్లమిల్లి రామారెడ్డి సతీమణి చెల్లయమ్మ, కొత్తూరు గ్రామానికి చెందిన సత్తి ఆదిరెడ్డి–అరుణ దంపతులు, వారి కుమార్తె చిరంజీవి హేమ సాత్విక చేతుల మీదుగా అమ్మవారికి వివిధ ఫలాలు, పుష్పాలతో ప్రత్యేక పూజలు నిర్వహించారు.
ఆధ్యాత్మిక భక్తిగీతాలతో ఆలయ పరిసర ప్రాంతం భక్తిపారవశ్యంలో మునిగిపోయింది. ఈ సందర్భంగా ఆధ్యాత్మిక రంగంలో సేవలందిస్తున్న ప్రచారకుల కృషిని కొనియాడుతూ వారిని సత్కరించారు.ఈ కార్యక్రమంలో ఆధ్యాత్మిక భక్తులు గొలుగూరి సహదేవారెడ్డి–విజయలక్ష్మి దంపతులు, ఉత్తమ ఉపాధ్యాయ అవార్డు గ్రహీత దాసరి నాగమణి–చిట్టిబాబు దంపతులు, సత్సంగ ప్రతినిధులు కర్రి శ్రీనివాస్ రెడ్డి, మణికంఠ, మహేష్, హనుమాన్, బాపిరెడ్డి, నాని తదితరులు పాల్గొన్నారు.
