2, 28వ డివిజన్ల అభ్యర్థులకు మద్దతుగా కోటంరెడ్డి సాయివైష్ణవి ఆత్మీయ సమావేశాలు

నెల్లూరు,  మేజర్ న్యూస్ :  నూతన 2వ డివిజన్ అభ్యర్థిగా పోటీ చేస్తున్న మహమ్మద్ జావిద్ భాయ్, నూతన 28వ డివిజన్ అభ్యర్థిగా పోటీ చేస్తున్న నన్నెం శ్రీనివాసులును సైకిల్ గుర్తుపై ఓటు వేసి గెలిపించాలని కోరుతూ కోటంరెడ్డి సాయివైష్ణవి ఆయా డివిజన్లలో నిర్వహించిన ఆత్మీయ సమావేశాల్లో పాల్గొని ప్రజలను అభ్యర్థించారు. ఈ సందర్భంగా ఆమె మాట్లాడుతూ, రెండు డివిజన్లలో పోటీ చేస్తున్న అభ్యర్థులకు ప్రజలు తమ మద్దతు అందించాలని విజ్ఞప్తి చేశారు. ప్రజల ఆశీర్వాదంతో అభ్యర్థులు విజయం సాధించేలా సహకరించాలని కోరారు. అదేవిధంగా మేయర్ అభ్యర్థిగా పోటీ చేస్తున్న పోలుబోయిన రూప్ కుమార్‌కు కూడా ప్రజలు తమ ఆశీర్వాదాలు అందించాలని కోటంరెడ్డి సాయివైష్ణవి కోరారు. ఈ సమావేశాల్లో స్థానిక ప్రజలు, పార్టీ నాయకులు, కార్యకర్తలు పాల్గొన్నారు.