వైద్య ఆరోగ్య శిబిరాలను ప్రజలు సద్వినియోగం చేసుకోవాలి

సీఐ వెంకటేశ్వర్లు 

ఆమనగల్లు రంగారెడ్డి:ప్రజల ఆరోగ్య పరిరక్షణతో పాటు, పోలీసులు, ప్రజల మధ్య సంబంధాలను బలోపేతం చేయడానికి వైద్య ఆరోగ్య శిబిరాలుదోహదపడతాయని, వైద్య శిబిరా లను ప్రజలు సద్వినియోగంచేసుకోవాలని ఆమనగల్లు సిఐ సంద వెంకటేశ్వర్లు చెప్పారు. పోలీస్ అమరవీరుల సంస్మరణ దినోత్సవం, పోలీస్ ఫ్లాగ్ డే వీక్ 2026 లో బాగంగా శుక్రవారం పట్టణ కేంద్రంలోని బస్ స్టాండ్ ఆవరణలో రెక్సపర్ట్ సుపర్ స్పెషాలిటీ,ఈ క్లినిక్ సహకారంతో మెగా ఆరోగ్య అవగాహన శిబిరాన్ని నిర్వహించారు.శిబిరంలో వైద్యులు రోగులకు వైద్య పరీక్షలు నిర్వహించి ప్రజలకు మెరుగైన ఆరోగ్యం పై అవగాహన కల్పించి, ఆరోగ్యకర మైన జీవన శైలిపై సూచనలు సలహాలు అందజేశారు.అనంతరం సిఐ మాట్లాడుతూ ప్రజలు పోలీస్ సేవలను వినియోగించుకుని, శాంతి భద్రతల పరిరక్షణలో ప్రజలు పోలీసులకుసహకరించాలని కోరారు. స్వచ్ఛంద సంస్థలు, వివిధ ప్రభుత్వ, ప్రైవేటు ఆసుపత్రుల ఆధ్వర్యంలో నిర్వహించే ఉచిత వైద్య శిబిరాలను ప్రజలు సద్వినియోగం చేసుకోవాలని సూచించారు. కార్యక్రమంలో మున్సిపల్ ఛైర్మన్ పత్యనాయక్, కాంగ్రెస్ పార్టీ మండల అధ్యక్షుడు శ్రీనివాస్ రెడ్డి, ఎస్సై సంతోష్ రెడ్డి, ఏఎస్ఐ రామ్ రెడ్డి, పోలీస్ సిబ్బంది, వైద్యులు, వైద్య సిబ్బంది తదితరులు పాల్గొన్నారు.

ఎ. చంద్రశేఖర్, మేజర్ న్యూస్.