తడగొండలో ఘనంగా ప్రపంచ ట్రాక్టర్ యజమానుల దినోత్సవం.. అధ్యక్షుడు గుడి మనోజ్ రెడ్డి

సూర్య .. బోయినపల్లి మండలం తడగొండ గ్రామంలో అన్నపూర్ణ ట్రాక్టర్ యూనియన్ ఆధ్వర్యంలో ప్రపంచ ట్రాక్టర్ యజమానుల దినోత్సవ వేడుకలు ఘనంగా నిర్వహించారు.అంబేద్కర్ చౌరస్తా నుండి గ్రామ కూడలి వరకు వీధి వీధిన ట్రాక్టర్లతో ర్యాలీ నిర్వహించారు. ట్రాక్టర్ దినోత్సవ నినాదాలతో గ్రామం మార్మోగింది. ట్రాక్టర్ యజమానులు, డ్రైవర్లు పెద్ద సంఖ్యలో పాల్గొన్నారు.ఈ సందర్భంగా ట్రాక్టర్ యూనియన్ అధ్యక్షులు గుడి మనోజ్ రెడ్డి మాట్లాడుతూ, పొలాలు సాగు చేసేది మనమే, ప్రపంచానికి ఆహారం అందించేది మనమే అని అన్నారు. రైతులకు, ట్రాక్టర్ యజమానులకు గౌరవం దక్కాలని, వారి సమస్యలను ప్రభుత్వం పరిష్కరించాలని కోరారు. ట్రాక్టర్ అంటే కేవలం వాహనం కాదు, రైతు జీవనాధారమని తెలిపారు.సర్పంచ్ ఉయ్యాల శ్రీనివాస్, ఉపసర్పంచ్ చెపురి వెంకటేష్ శుభాకాంక్షలు తెలిపారు.కార్యక్రమంలో అధ్యక్షుడు గుడి మనోజ్ రెడ్డి, ఉపాధ్యక్షులు గోగురు తిరుపతిరెడ్డి, ఆమిదాల లక్ష్మారెడ్డి, చేపురి కనకయ్య, ప్రధాన కార్యదర్శి భీమ తిరుపతి, క్యాషియర్ భూమల్ల మహేష్, సంయుక్త కార్యదర్శి పిట్టల మల్లేశం, మాజీ అధ్యక్షుడు రేండ్ల గంగరాజు, ట్రాక్టర్ యూనియన్ సభ్యులు, డ్రైవర్లు తదితరులు పాల్గొన్నారు.