telangana
పెట్రోల్‌ పంప్‌ స్థలాన్ని నిషేధిత జాబితాలో చేర్చాలి
సూర్య జగిత్యాల ప్రతినిధి:జగిత్యాల మున్సిపల్‌ పార్క్‌, ఫైర్‌ స్టేషన్‌ పక్కన ఉన్న పెట్రోల్‌ పంప్‌ స్థలాన్ని భూ మార్పిడి నిషేధిత జాబితాలో చేర్చాలని మాజీ మంత్రి, బీఆర్‌ఎస్‌ పార్టీ రాష్ట్ర ప్రధాన కార్యదర్శి తాటిపర్తి జీవన్‌రెడ్డి కోరారు. ఈ మేరకు ఆయన జగిత్యాల అడిషనల్‌ కలెక్టర్ రెవిన్యూ ప్రసూనాంబ కు మంగళవారం లిఖితపూర్వకంగా విజ్ఞప్తి చేశారు. జగిత్యాల శివారు సర్వే నంబర్‌ 138లోని సంబంధిత స్థలాన్ని పీవోబీ 22(ఏ) కింద భూ మార్పిడి నిషేధిత జాబితాలో చేర్చేలా చర్యలు తీసుకోవాలని ఆయన విజ్ఞప్తిలో పేర్కొన్నారు.
