న్యాలట గ్రామంలో జలసిరి కార్యక్రమం పరిశీలన

చేవెళ్ల: మండల పరిధిలోని న్యాలట గ్రామ పంచాయతీలో జలసిరి కార్యక్రమంలో భాగంగా చేపట్టిన పనులను ఎంపీడీవో బన్సీలాల్ పరిశీలించారు. ఈ సందర్భంగా గ్రామంలో కార్యక్రమం అమలు తీరు, చేపడుతున్న పనుల వివరాలను అధికారులను అడిగి తెలుసుకున్నారు. గ్రామంలో జలసిరి కార్యక్రమాన్ని సమర్థవంతంగా అమలు చేయాలని, ప్రజలకు అవసరమైన సౌకర్యాలు కల్పించే దిశగా చర్యలు తీసుకోవాలని సూచించారు. ఈ కార్యక్రమంలో గ్రామ సర్పంచ్ జి. బుచ్చయ్య, ఉప సర్పంచ్ ఈ. అశోక్, పంచాయతీ కార్యదర్శి శేఖర్, వార్డు సభ్యులు, గ్రామ ప్రజలు పాల్గొన్నారు.