వినాయక స్వామి ఆశీస్సులతో ప్రతి కుటుంబం సుఖసంతోషాలతో, ఆయురారోగ్యాలతో వర్ధిల్లాలీ: యువజన కాంగ్రెస్ నల్గొండ జిల్లా అధ్యక్షుడు మేకల ప్రమోద్ రెడ్డి

శ్రీ వినాయక స్వామి ఆశీస్సులతో ప్రతి కుటుంబం సుఖసంతోషాలతో, ఆయురారోగ్యాలతో వర్ధిల్లాలీ: యువజన కాంగ్రెస్ నల్గొండ జిల్లా అధ్యక్షుడు మేకల ప్రమోద్ రెడ్డి ఆకాంక్షించారు.

వెలగలగూడెంలో ఘనంగా అన్నదాన కార్యక్రమం

వినాయక స్వామిని దర్శించుకున్న యువజన కాంగ్రెస్ జిల్లా అధ్యక్షుడు మేకల ప్రమోద్ రెడ్డి

మునుగోడు,మేజర్ న్యూస్:

శ్రీ వినాయక స్వామి ఆశీస్సులు గ్రామ ప్రజలందరిపై ఉండాలని,ప్రతి కుటుంబం సుఖసంతోషాలతో, ఆయురారోగ్యాలతో వర్ధిల్లాలని యువజన కాంగ్రెస్ నల్గొండ జిల్లా అధ్యక్షుడు మేకల ప్రమోద్ రెడ్డి ఆకాంక్షించారు.
మండలంలోని వెలగలగూడెం గ్రామంలో సోమవారం రాత్రి పాల సెంటర్ వద్ద కొలువుదీరిన శ్రీ వినాయక స్వామి సన్నిధిలో అన్నదాన కార్యక్రమాన్ని ఘనంగా నిర్వహించారు. గణేష్ నవరాత్రి ఉత్సవాల్లో భాగంగా నిర్వహించిన ఈ కార్యక్రమానికి గ్రామ ప్రజలు, భక్తులు, యువత పెద్ద సంఖ్యలో హాజరయ్యారు.
ఈ సందర్భంగా ఆయన ముఖ్య అతిథిగా హాజరై శ్రీ వినాయక స్వామికి ప్రత్యేక పూజలు నిర్వహించారు. అనంతరం అన్నప్రసాద వితరణ కార్యక్రమాన్ని ప్రారంభించారు. భక్తులకు స్వయంగా అన్నప్రసాదాన్ని అందిస్తూ కార్యక్రమంలో పాల్గొన్నారు.
అన్నదాన కార్యక్రమానికి గ్రామ ప్రజలు, యువత, భక్తులు పెద్ద సంఖ్యలో తరలిరావడంతో పాల సెంటర్ పరిసరాల్లో పండుగ వాతావరణం నెలకొంది. భక్తిశ్రద్ధలతో గణనాథుని దర్శించుకుని అన్నప్రసాదాన్ని స్వీకరించారు. అన్నప్రసాద వితరణకు సహకరించిన దాతలు, యువత, గ్రామ పెద్దలు, భక్తులు, ప్రతి ఒక్కరికీ నిర్వాహకులు హృదయపూర్వక ధన్యవాదాలు తెలిపారు. 
.