సీఎం రేవంత్ రెడ్డికి కృతజ్ఞతలు తెలిపిన ఉద్యమకారులు

సీఎం రేవంత్ రెడ్డికి కృతజ్ఞతలు తెలిపిన ఉద్యమకారులు

చేర్యాల : తొలి, మలిదశ తెలంగాణ ఉద్యమకారులను గుర్తించేందుకు ప్రత్యేక వెబ్ సైట్ ను ఏర్పాటు చేయడంపై చేర్యాల మండల ఉద్యమకారులు హర్షం వ్యక్తం చేస్తూ సీఎం రేవంత్ రెడ్డికి కృతజ్ఞతలు తెలిపారు. ఈ సందర్భంగా శుక్రవారం పాత బస్టాండ్ వద్ద ఏర్పాటు చేసిన సమావేశంలో వారు మాట్లాడుతూ.. తెలంగాణ రాష్ట్ర సాధన కోసం 1969తొలిదశ, మలిదశ ఉద్యమకారులు ప్రాణాలను లెక్కచేయకుండా పోరాడి జైలు నిర్బంధాలు, అక్రమ కేసులను ఎదుర్కొన్నారని, గత పదేళ్ల బీఆర్ఎస్ పాలనలో ఉద్యమకారులను ఏమాత్రం పట్టించుకోలేదని విమర్శించారు. ఎన్నికల మేనిఫెస్టోలో ఇచ్చిన హామీ మేరకు కాంగ్రెస్ ప్రభుత్వం అధికారంలోకి రాగానే సీఎం రేవంత్ రెడ్డి ప్రత్యేక చొరవ తీసుకొని కేకే కమిటీని ఏర్పాటు చేసి ఉద్యమకారుల సంక్షేమం, గుర్తింపు కోసం వెబ్ సైట్ ను ప్రారంభించడం అభినందనీయమన్నారు. రాష్ట్ర ముఖ్యమంత్రి, కేకే కమిటీకి ఉద్యమకారుల ఫోరం తరఫున కృతజ్ఞతలు తెలిపారు. కార్యక్రమంలో ఉద్యమకారుల ఫోరం మండల అధ్యక్ష, కార్యదర్శులు అంబటి అంజయ్య గౌడ్, అందె అశోక్, మాజీ మార్కెట్ కమిటీ చైర్మన్ పుర్మ ఆగంరెడ్డి, కొమురవెల్లి దేవస్థాన మాజీ చైర్మన్ ఆడెపు చంద్రయ్య,చేర్యాల మార్కెట్ కమిటీ వైస్ చైర్మన్ బోయిని శ్రీనివాస్, మాజీ జెడ్పీటీసీ కొమ్ము నర్సింగరావు, డైరెక్టర్ పచ్చిమడ్ల వెంకటయ్య, మాజీ మార్కెట్ వైస్ చైర్మన్ కాటం మల్లేశం, మొహమ్మద్ ఖాజ, పాల సాయిలు, అంబాల రాములు, తాటిపాముల పర్శరాములు, పచ్చిమడ్ల శ్రీనివాస్, తదితరులు పాల్గొన్నారు.