సూర్య తిర్యాణి : తిర్యాణి ప్రభుత్వ వైద్యశాలలో బతుకమ్మ వేడుకలు ఉత్సాహంగా నిర్వహించారు. వైద్యులు, వైద్య సిబ్బంది ఈ వేడుకల్లో పాల్గొని పండుగ ఆనందాన్ని పంచుకున్నారు. సమష్టిగా నిర్వహించిన ఈ కార్యక్రమంతో వైద్యశాల ప్రాంగణంలో పండుగ వాతావరణం నెలకొంది.తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగకు ప్రత్యేక స్థానం ఉంది. ప్రకృతిని ఆరాధిస్తూ, పూలను పూజించే ఈ పండుగ అందరినీ ఒక్కచోట చేర్చి ఐక్యతను చాటుతుంది. నిత్యం రోగులకు వైద్య సేవలు అందించే వైద్యులు, సిబ్బంది బతుకమ్మ వేడుకల్లో కలిసికట్టుగా పాల్గొనడం ప్రత్యేక ఆకర్షణగా నిలిచింది. ఈ వేడుకలు సిబ్బంది మధ్య స్నేహభావాన్ని, పరస్పర అనుబంధాన్ని ప్రతిబింబించాయి. ఈ కార్యక్రమంలో డాక్టర్ కృష్ణ సతీష్, ప్రణీత్ మరియు వైద్య సిబ్బంది పాల్గొన్నారు.
