నందివాడ ‘స్థానిక’ ఎన్నికల సమన్వయ కమిటీ ప్రకటన: 100% విజయమే లక్ష్యంగా ఎమ్మెల్యే వెనిగండ్ల రాము వ్యూహం!

నందివాడ ‘స్థానిక’ ఎన్నికల సమన్వయ కమిటీ ప్రకటన: 100% విజయమే లక్ష్యంగా ఎమ్మెల్యే వెనిగండ్ల రాము వ్యూహం!

నందివాడ, అక్టోబర్ 16, మేజర్ న్యూస్ : రాబోయే స్థానిక సంస్థల ఎన్నికలలో నందివాడ మండలంలో 100 శాతం స్థానాలను కైవసం చేసుకోవడమే లక్ష్యంగా గుడివాడ ఎమ్మెల్యే వెనిగండ్ల రాము తన ఎన్నికల వ్యూహాలకు పదును పెడుతున్నారు. అభ్యర్థుల ఎంపికలో అంతర్గత విభేదాలు లేకుండా, గ్రామస్థాయిలో నాయకుల మధ్య ఏకాభిప్రాయం సాధించడం కోసం ఆయన అధికారికంగా నందివాడ మండల సమన్వయ కమిటీని ప్రకటించారు. ఈ ప్రతిష్టాత్మక కమిటీలో మండల టీడీపీ అధ్యక్షుడు దానేటి సన్యాసిరావు, మార్కెట్ యార్డు చైర్మన్ చాట్రగడ్డ రవికుమార్, చిదరబోయిన సీతయ్య, పిల్లా సాల్మన్ రాజు, యార్లగడ్డ రవి, మసి ముక్కు వేణుగోపాల్‌, పాలడుగు ధర్మపాల్ సభ్యులుగా నియమితులయ్యారు. మండలంలోని 90 శాతానికి పైగా గ్రామాల్లో కూటమి ప్రభుత్వం చేపట్టిన మౌలిక వసతుల అభివృద్ధి పనులే ప్రధాన ప్రచారాస్త్రాలుగా ప్రజల్లోకి దూసుకెళ్తామని ఎమ్మెల్యే రాము స్పష్టం చేశారు. ఈ కమిటీ ఏర్పాటుతో నందివాడ మండలంలోని 23 గ్రామ పంచాయతీల్లో ఎన్నికల వాతావరణం ఒక్కసారిగా వేడెక్కింది.