పైలెట్ రోహిత్‌రెడ్డిపై తప్పుడు ప్రచారం చేస్తే సహించేది లేదు: యాలాల బిఆర్ఎస్ నాయకుల హెచ్చరిక

యాలాల, మేజర్ న్యూస్: తాండూరు మాజీ ఎమ్మెల్యే పైలెట్ రోహిత్‌రెడ్డిపై సామాజిక మాధ్యమాల్లో తప్పుడు వార్తలు ప్రచారం చేస్తున్న వారిని గుర్తించి, వారిపై చట్టపరమైన చర్యలు తీసుకోవాలని యాలాల మండల బీఆర్ఎస్ నాయకులు డిమాండ్ చేశారు. ఈ మేరకు శనివారం యాలాల మాజీ జడ్పీటీసీ సిద్రాల శ్రీనివాస్ ఆధ్వర్యంలో బీఆర్ఎస్ నాయకులు యాలాల పోలీస్ స్టేషన్‌లో ఫిర్యాదు చేశారు. ఈ సందర్భంగా నాయకులు మాట్లాడుతూ, సోషల్ మీడియాలో ఫేక్ వార్తలు ప్రచారం చేస్తూ పైలెట్ రోహిత్‌రెడ్డి ప్రతిష్ఠకు భంగం కలిగించే ప్రయత్నాలను సహించబోమని స్పష్టం చేశారు. తప్పుడు ప్రచారానికి పాల్పడుతున్న వారిని గుర్తించి, సమగ్ర విచారణ జరిపి బాధ్యులపై చట్ట ప్రకారం చర్యలు తీసుకోవాలని పోలీసులను కోరారు. ఈ కార్యక్రమంలో ఆశన్న, కమ్మరి శేఖర్, నాగారం పాండు గౌడ్, మహేష్, బాలు, కొత్త శ్రీనివాస్ తదితరులు పాల్గొన్నారు.