మహిళల సాధికారతయే లక్ష్యంగా పనిచేస్తున్న ప్రజా ప్రభుత్వం:మండల కాంగ్రెస్ పార్టీ అధ్యక్షుడు చంద్రశేఖర్
చౌడాపూర్, మేజర్ న్యూస్: చౌడాపూర్ మండల పరిధిలోని కొత్తపల్లి గ్రామంలో నూతనంగా నిర్మిస్తున్న మహిళ సంఘం భవనం దగ్గర మహిళల సాధికారతయే లక్ష్యంగా బాత్రూం నిర్మాణ పనులకు గ్రామ సర్పంచ్ రజిత నర్సింలు ఆధ్వర్యంలో భూమి పూజ పనులు నిర్వహించడం జరిగింది.ఈ సందర్భంగా మండల కాంగ్రెస్ పార్టీ అధ్యక్షుడు చంద్రశేఖర్ మాట్లాడుతూ తెలంగాణ రాష్ట్ర ప్రభుత్వం కోటి మంది మహిళలను కోటీశ్వరులను చేయడమే లక్ష్యంగా మహిళల సాధికారత,ఆర్థిక అభివృద్ధి, స్వయం సమృద్ధి సాధిస్తూ అన్ని సంక్షేమ పథకాలలో మహిళలను సమన్వయ పరుస్తూ అభివృద్ధి లక్ష్యంగా పనిచేస్తుందని అన్నారు.ఈ కార్యక్రమంలో వికారాబాద్ జిల్లా డి ఆర్ డి ఏ అడిషనల్ పి డీ నర్సింలు,మండల అభివృద్ధి అధికారి వెంకన్న గౌడ్,మండల ఎంపీఓ శ్రీనివాస్ రెడ్డి,టెక్నికల్ అసిస్టెంట్ గోపాల్,ఫీల్డ్ అసిస్టెంట్ అశ్విన్,గ్రామ కాంగ్రెస్ పార్టీ నాయకులు తదితరులు పాల్గొనడం జరిగింది.
