జగన్ కుటుంబానికి హరీష్ రెడ్డి భరోసా

పిల్లల చదువుల కోసం రూ.2 లక్షల ఆర్థిక సాయం

సూర్య ఎండపల్లి :

జగిత్యాల జిల్లా ఎండపల్లి మండల బీఆర్‌ఎస్‌ పార్టీ అధ్యక్షుడు సింహాచలం జగన్‌ ఇటీవల మృతి చెందడంతో ఆయన కుటుంబాన్ని బీఆర్‌ఎస్‌ రాష్ట్ర నాయకులు వ్యాల్ల హరీష్ రెడ్డి పరామర్శించారు. ఆపదలో ఉన్న కుటుంబానికి అండగా నిలిచి, జగన్‌ పిల్లల చదువుల కోసం తన తరఫున 1 లక్ష, అమెరికాలోని తన తోటి ఎన్నారై బీఆర్‌ఎస్‌ మిత్రుల తరఫున మరో 1.లక్ష, మొత్తంగా రూ.2 లక్షల ఆర్థిక సహాయాన్ని బుధవారం అందించారు.
జగన్‌ పిల్లల భవిష్యత్‌కు అండగా నిలవాలనే ఉద్దేశంతో అందించిన ఈ మొత్తాన్ని వారి చదువుల కోసం వినియోగించాలని కుటుంబ సభ్యులకు హరీష్ రెడ్డి సూచించారు. కష్టకాలంలో కుటుంబానికి ఆర్థిక భరోసా కల్పించడంతో పాటు పిల్లల చదువులకు చేయూతనందించిన హరీష్ రెడ్డికి కుటుంబ సభ్యులు కృతజ్ఞతలు తెలిపారు.
ఈ సందర్భంగా నియోజకవర్గ, ఎండపల్లి మండల స్థాయి నాయకులు జగన్‌ కుటుంబాన్ని పరామర్శించి ధైర్యం చెప్పారు. మంథని మాజీ ఎమ్మెల్యే, పెద్దపల్లి జిల్లా మాజీ జిల్లా పరిషత్ చైర్మన్ పుట్ట మధు కూడా హాజరై జగన్‌ కుటుంబ సభ్యులను పరామర్శించారు.