అధికారుల పర్యవేక్షణలో గణనాథుల నిమజ్జనం

అధికారుల పర్యవేక్షణలో గణనాథుల నిమజ్జనం

అంగరంగ వైభవంగా గణేష్‌ శోభాయాత్రలు

డిసిపి  అంకిత్ కుమార్

ఆత్మకూరు, సెప్టెంబర్ 23,మేజర్ న్యూస్ (సూర్య):

ఆత్మకూరు మండలంలో గణేష్‌ నవరాత్రి ఉత్సవాలు బుధవారం ప్రశాంతంగా ముగిశాయి. పలు గ్రామాల్లో వినాయక విగ్రహాల నిమజ్జనాన్ని పురస్కరించుకుని శోభాయాత్రలు నిర్వహించారు. మేళతాళాల నడుమ యువత, మహిళలు, చిన్నారులు ఉత్సాహంగా పాల్గొన్నారు. భక్తులు గణపతి నామస్మరణతో విగ్రహాలను నిమజ్జనం చేశారు. నిమజ్జన కార్యక్రమాల సందర్భంగా ఆత్మకూరు పోలీస్‌స్టేషన్ పరిధిలో పోలీసులు పటిష్ట బందోబస్తు ఏర్పాటు చేశారు. డిసిపి ఈస్ట్ జోన్ అంకిత్ కుమార్ ఆధ్వర్యంలో పరకాల ఏసిపి సతీష్ బాబు, ఆత్మకూరు ఎంపీడీవో ఎం. శ్రీనివాసరెడ్డి ,ఆత్మకూరు సిఐ జి .బాబులాల్ ,ఎస్‌ఐలు, పోలీసు సిబ్బందితో కలిసి శోభాయాత్రలను గణనాధుల నిమర్జనాన్ని పర్యవేక్షించారు. ఎలాంటి అవాంఛనీయ ఘటనలు చోటుచేసుకోకుండా పటిష్ట చర్యలు చేపట్టారు. కార్యక్రమంలో ఆత్మకూరు కాంగ్రెస్ మండల అధ్యక్షులు రేవూరి జలంధర్ రెడ్డి సర్పంచ్ లు షబానా గఫూర్ ,సయ్యద్ మౌలా, భక్తులు డాక్టర్ కుసుంబ రఘుపతి, యువకులు తదితరులు పాల్గొన్నారు