telanagana
గ్యాస్‌ లారీ ఢీకొని యువకుడి దుర్మరణం
రాంపల్లి ఎక్స్‌రోడ్డులో రోడ్డు ప్రమాదం..
కీసర, మేజర్ న్యూస్, అక్టోబర్‌ 10: గ్యాస్‌ లారీ ఢీకొనడంతో ఓ యువకుడు మృతి చెందిన విషాద ఘటన మేడ్చల్–మల్కాజిగిరి జిల్లా నాగారం పరిధిలోని రాంపల్లి ఎక్స్‌రోడ్డు వద్ద శనివారం ఉదయం చోటుచేసుకుంది. ఈ ప్రమాదంలో నాగారంలోని శివానందపురి కాలనీకి చెందిన బెన్నూరి అఖిల్‌ (20) మృతి చెందాడు.స్థానిక వివరాల ప్రకారం.. చంద్రశేఖర్‌ గౌడ్‌ కుమారుడైన అఖిల్‌ను రాంపల్లి ఎక్స్‌రోడ్డు వద్ద గ్యాస్‌ లారీ వెనుక నుంచి ఢీకొట్టింది. ఈ ప్రమాదంలో తీవ్రంగా గాయపడిన అఖిల్‌ మృతి చెందినట్లు సమాచారం. ఘటన కీసర పోలీస్‌స్టేషన్‌ పరిధిలో చోటుచేసుకుంది. ప్రమాదానికి సంబంధించిన పూర్తి వివరాలు తెలియాల్సి ఉంది.
రిపోర్టర్: కర్రె గణేష్, కీసర, మేడ్చల్ జిల్లా.
