ఉత్తమ ఉపాధ్యాయులకు ఘన సన్మానం

తిరుమలగిరి మేజర్ న్యూస్ :- తిరుమలగిరి మండలంలోని వివిధ పాఠశాలల్లో విశేష సేవలందిస్తూ ఉత్తమ ఉపాధ్యాయులుగా ఎంపికైన పలువురు ఉపాధ్యాయులను శనివారం ఘనంగా సన్మానించారు. మండల ప్రజా పరిషత్ (ఎంపీపీ) కార్యాలయంలో ఏర్పాటు చేసిన ప్రత్యేక కార్యక్రమంలో ఎంపీడీవో లాజర్, మండల విద్యాధికారి (ఎంఈఓ) ఐ. శాంతయ్య, డిప్యూటీ తహసీల్దార్ జానీ మహ్మద్, జిల్లా పరిషత్ ఉన్నత పాఠశాల హెచ్ఎం దామర శ్రీనివాస్ ముఖ్య అతిథులుగా హాజరయ్యారు. ఎంపికైన ఉపాధ్యాయు లను శాలువాలు కప్పి, మెమొంటోలు అందజేసి సత్కరించారు. ఈ సందర్భంగా ఎంపీడీవో లాజర్ మాట్లాడుతూ.. ప్రభుత్వ పాఠశాలలను ప్రైవేటు పాఠశాలలకు దీటుగా బలోపేతం చేయాల్సిన బాధ్యత ఉపాధ్యాయులపై ఉందన్నారు. "వృత్తిలో ఉత్తమ ప్రతిభ కనబరిచిన ప్రతి ఒక్కరికీ గుర్తింపు ఖచ్చితంగా దక్కుతుంది. నేడు కాకపోయినా రేపటికైనా ఆ శ్రమకు తగిన ఫలం లభిస్తుంది” అని పేర్కొన్నారు. ప్రభుత్వ ఉద్యోగంలో ఏ హోదాలో ఉన్నా నిబద్ధతతో పనిచేస్తే సమాజంలో ప్రత్యేక గుర్తింపు లభిస్తుందని, నేడు సన్మానం పొందిన ఉపాధ్యాయులే దానికి నిదర్శనమని చెప్పారు. ఈ కార్యక్రమంలో వివిధ పాఠశాలల ప్రధానోపా ధ్యాయులు, ఉపాధ్యాయులు, సన్మాన గ్రహీతలు మరియు విద్యాశాఖ సిబ్బంది పాల్గొన్నారు.