telanagana
బతుకమ్మ యంగ్ ఫిల్మ్ మేకర్ ఛాలెంజ్‌లో ఇప్పాయిపల్లి యువకుడికి ప్రథమ బహుమతి
కుల్కచర్ల, మేజర్ న్యూస్: హైదరాబాద్‌లోని శిల్పకళా వేదికలో నిర్వహించిన బతుకమ్మ యంగ్ ఫిల్మ్ మేకర్ ఛాలెంజ్ అవార్డు–2026లో ఇప్పాయిపల్లి గ్రామానికి చెందిన షాబాద్ రామ్ తలైవ ప్రథమ బహుమతి సాధించారు. ఈ సందర్భంగా తెలంగాణ రాష్ట్ర ఉప ముఖ్యమంత్రి భట్టి విక్రమార్క చేతుల మీదుగా ఆయన అవార్డు అందుకున్నారు. యువ ఫిల్మ్ మేకర్ల ప్రతిభను ప్రోత్సహించే ఈ పోటీలో ప్రథమ బహుమతి సాధించడం పట్ల ఇప్పాయిపల్లి గ్రామస్థులు, యువత హర్షం వ్యక్తం చేశారు. గ్రామానికి చెందిన యువకుడు రాష్ట్రస్థాయి వేదికపై ప్రతిభ చాటుకుని అవార్డు అందుకోవడం గ్రామానికి గర్వకారణమని పలువురు పేర్కొన్నారు. ఈ సందర్భంగా షాబాద్ రామ్ తలైవకు అభినందనలు తెలియజేస్తూ, భవిష్యత్తులో మరిన్ని విజయాలు సాధించాలని ఆకాంక్షించారు.
