బాచుపల్లి రైతుల భూ సమస్యపై అడిషనల్ కలెక్టర్‌కు ఫిర్యాదు
బాచుపల్లి రైతుల భూ సమస్యపై అడిషనల్ కలెక్టర్‌కు ఫిర్యాదు
కందుకూరు: బాచుపల్లి గ్రామ పరిధిలోని పెరుగూడ రెవెన్యూ సర్వే నంబర్లు 1, 2లో 38ఈ ఇంప్లిమెంటేషన్‌కు సంబంధించిన భూ సమస్యపై గ్రామస్థులు, రైతులు శుక్రవారం రంగారెడ్డి జిల్లా అడిషనల్ కలెక్టర్ చంద్రారెడ్డిని కలిసి ఫిర్యాదు చేశారు.
సంబంధిత భూములకు సంబంధించిన ఇంప్లిమెంట్లపై సమగ్ర విచారణ జరిపి, బాధ్యులపై చర్యలు తీసుకోవాలని రైతులు కోరారు. గ్రామస్థులు సమర్పించిన పత్రాలను పరిశీలించిన అడిషనల్ కలెక్టర్ సంబంధిత అధికారులతో మాట్లాడి, తదుపరి ఉత్తర్వులు వచ్చే వరకు సదరు భూములపై ఎలాంటి లావాదేవీలు జరపకుండా తాత్కాలికంగా నిలిపివేయాలని ఆదేశించినట్లు గ్రామస్థులు తెలిపారు.ఈ కార్యక్రమంలో సుమారు 60 నుంచి 80 మంది రైతులు, గ్రామస్థులు పాల్గొన్నారు. రైతులకు న్యాయం జరిగి, భూముల హక్కులు పరిరక్షించే వరకు తమ పోరాటం కొనసాగిస్తామని వారు స్పష్టం చేశారు.
టి. శ్రీనివాస్, మేజర్ న్యూస్
