national
నేడు ‘దీపావళి మిలన్’…హాజరుకానున్న ప్రధాని మోడీ
న్యూఢిల్లీ: భారతీయ జనతా పార్టీ (బీజేపీ) కేంద్ర కార్యాలయంలో నేడు ‘దీపావళి మిలన్’ వేడుకలు ఘనంగా జరగనున్నాయని పార్టీ వర్గాలు వెల్లడించాయి. దీన్ దయాళ్ ఉపాధ్యాయ్ మార్గ్‌లోని పార్టీ ప్రధాన కార్యాలయంలో నిర్వహించనున్న ఈ ప్రత్యేక కార్యక్రమానికి ప్రధానమంత్రి నరేంద్ర మోడీ, బీజేపీ జాతీయ అధ్యక్షుడు నితిన్ నబీన్ హాజరుకానున్నారు. పార్టీ అగ్రనాయకత్వం, కార్యకర్తలు, మీడియా ప్రతినిధుల మధ్య స్నేహపూర్వక వాతావరణంలో ఏటా ఈ వేడుకను నిర్వహిస్తారు. ఈ సందర్భంగా ప్రధాని మోడీ, నితిన్ నబీన్‌తో పాటు పలువురు కేంద్ర మంత్రులు, జాతీయ పదాధికారులు, ఎంపీలు, సీనియర్ నేతలు పాల్గొని ఒకరికొకరు దీపావళి శుభాకాంక్షలు తెలుపుకోనున్నారు. పండుగ స్ఫూర్తిని చాటుతూనే, పార్టీ శ్రేణులు, కార్యాలయ సిబ్బందితో నేతలు ముచ్చటించి వారిలో నూతన ఉత్సాహాన్ని నింపేందుకు ఈ వేదిక దోహదపడుతుందని బీజేపీ వర్గాలు తెలిపాయి. ఈ కార్యక్రమం నేపథ్యంలో పార్టీ కార్యాలయ పరిసరాల్లో ప్రత్యేక అలంకరణలు, భద్రతా ఏర్పాట్లు చేశారు.
