national
ఢిల్లీలో తీవ్రమైన విపక్షాల ఆందోళనలు: మధ్యాహ్నం పార్లమెంట్‌లో ఇండీ కూటమి భేటీ
దేశ రాజధాని ఢిల్లీలో కేంద్ర ప్రధాన ఎన్నికల కమిషనర్ (సీఈసీ) జ్ఞానేష్ కుమార్‌కు వ్యతిరేకంగా ప్రతిపక్షాల నిరసనలు వరుసగా నాలుగో రోజుకూ చేరాయి.
ఈ క్రమంలో ఈరోజు మధ్యాహ్నం 3 గంటలకు పార్లమెంట్ సెంట్రల్ హాల్ (సంవిధాన్ సదన్) వేదికగా కాంగ్రెస్ ఎంపీలతో పాటు ఇండీ (INDIA) కూటమి భాగస్వామ్య పక్షాల ఎంపీలు ముఖ్యమైన సమావేశాన్ని నిర్వహించనున్నారు. ఎన్నికల సంఘం తీరుపై, సీఈసీ రాజీనామా డిమాండ్‌పై భవిష్యత్ కార్యాచరణను ఖరారు చేసేందుకు ఈ భేటీ తలపెట్టారు.
ఈ సమావేశం ముగిసిన అనంతరం, ఇండీ కూటమి ఎంపీలు తమ నిరసనను వ్యక్తం చేస్తూ పార్లమెంట్ నుంచి రాష్ట్రపతి భవన్ వరకు భారీ ర్యాలీగా వెళ్లే అవకాశం ఉందని సమాచారం. ఈ పరిణామాల నేపథ్యంలో ఢిల్లీలో పోలీసు భద్రతను మరింత కట్టుదిట్టం చేశారు.
