ఆయుష్మాన్ భారత్కు ఎనిమిదేళ్లు
భారత ఆరోగ్య రంగాన్ని మార్చేస్తున్న సార్వత్రిక ఆరోగ్య పథకం!
సూర్య ప్రత్యేక వ్యాసం: కేంద్ర ప్రభుత్వం ప్రతిష్టాత్మకంగా ప్రారంభించిన 'ఆయుష్మాన్ భారత్' పథకం విజయవంతంగా ఎనిమిదేళ్లు పూర్తి చేసుకుంది. 2018లో ప్రారంభమైన ఈ పథకం ద్వారా ఆర్థికంగా బలహీనవర్గాలకు ఉచిత, నాణ్యమైన వైద్యాన్ని అందిస్తూ సార్వత్రిక ఆరోగ్య భద్రత దిశగా భారత్ వేగంగా అడుగులు వేస్తోంది. వైద్య చికిత్స అందించడమే కాకుండా ఉచిత ప్రాథమిక వైద్యం, డిజిటల్ హెల్త్ నెట్వర్క్ మరియు మౌలిక వసతుల కల్పనలో విప్లవాత్మక మార్పులు తీసుకొచ్చింది.
ఆయుష్మాన్ భారత్ ప్రధాన్ మంత్రి జన్ ఆరోగ్య యోజన (AB PM-JAY) కింద అర్హులైన కుటుంబానికి ఏటా రూ.5 లక్షల వరకు నగదు రహిత ఆసుపత్రి చికిత్స సౌకర్యాన్ని అందిస్తున్నారు. 2026 సెప్టెంబర్ నాటికి దేశవ్యాప్తంగా 48.51 కోట్లకు పైగా ఆయుష్మాన్ కార్డులను జారీ చేయగా, 38,000 కంటే ఎక్కువ నెట్వర్క్ ఆసుపత్రుల ద్వారా రూ.2.03 లక్షల కోట్ల విలువైన 13.25 కోట్ల హాస్పిటల్ అడ్మిషన్లకు ప్రభుత్వం ఉచిత చికిత్స అందించింది.
ప్రత్యేక వర్గాలకు అదనపు భద్రత కల్పిస్తూ 2024లో ఆశా కార్యకర్తలు, అంగన్వాడీ వర్కర్లు, హెల్పర్లకు కూడా ఈ పథకాన్ని విస్తరించారు. అంతేకాకుండా, ఆదాయ పరిమితితో సంబంధం లేకుండా 70 ఏళ్లు దాటిన వయోధికులందరికీ వైద్యాన్ని అందుబాటులోకి తెచ్చారు. మరోవైపు, గ్రామీణ ప్రజలకు చేరువగా ఉచిత వైద్య పరీక్షలు, మందులు అందించడానికి 1.87 లక్షలకు పైగా 'ఆయుష్మాన్ ఆరోగ్య మందిరాలు' అందుబాటులోకి వచ్చాయి. అలాగే ఆయుష్మాన్ భారత్ డిజిటల్ మిషన్ (ABDM) ద్వారా ఇప్పటికే 97.61 కోట్లకు పైగా 'ఆభా' (ABHA) డిజిటల్ హెల్త్ ఐడీలను సృష్టించి, వైద్య సేవల్లో డిజిటలైజేషన్ను ప్రోత్సహిస్తున్నారు.
