లండన్‌లో వైభవంగా వినాయక చవితి వేడుకలు

శ్రీ గణేశ యువజన సంఘం ఆధ్వర్యంలో వరుసగా 11 రోజుల పాటు ఆధ్యాత్మిక సందడి

£7,116కు లడ్డూ వేలం.. ప్రత్యేక ఆకర్షణగా నిలిచిన భక్తుల భాగస్వామ్యం

లండన్ : శ్రీ గణేశ యువజన సంఘం లండన్ ఆధ్వర్యంలో నిర్వహించిన వినాయక చవితి ఉత్సవాలు వరుసగా 11 రోజుల పాటు భక్తిశ్రద్ధలతో, అత్యంత వైభవంగా జరిగాయి. లండన్‌లో సంఘం ఆధ్వర్యంలో వరుసగా మూడోసారి వినాయక చవితి వేడుకలను విజయవంతంగా నిర్వహించుకోవడం ఎంతో ఆనందంగా ఉందని సంఘం ప్రతినిధులు తెలిపారు.11 రోజుల పాటు నిర్వహించిన ప్రత్యేక పూజలు, భక్తి కార్యక్రమాలు, ఆధ్యాత్మిక కార్యక్రమాలతో లండన్‌లో గణేశ్ నవరాత్రుల సందడి నెలకొంది. భక్తులు పెద్ద సంఖ్యలో పాల్గొని స్వామివారిని దర్శించుకోవడంతో పాటు కార్యక్రమాలను విజయవంతం చేయడంలో తమ వంతు సహకారం అందించారు.ఈ సందర్భంగా శ్రీ గణేశ యువజన సంఘం ప్రతినిధులు మాట్లాడుతూ.. “వేడుకలను ఇంత ఘనంగా విజయవంతం చేయడానికి సహకరించిన లండన్‌లోని హిందూ సమాజంలోని ప్రతి ఒక్కరికీ మా హృదయపూర్వక ధన్యవాదాలు. భక్తుల అపూర్వ స్పందన, సహకారం వల్లే ఈ ఉత్సవాలు విజయవంతమయ్యాయి” అని తెలిపారు.సంఘ సభ్యుల కృషి, భక్తుల భాగస్వామ్యం, సమిష్టి సహకారంతో 11 రోజుల పాటు పూజా కార్యక్రమాలు, భక్తి కార్యక్రమాలు, ముగింపు వేడుకలను ఘనంగా నిర్వహించినట్లు వెల్లడించారు.

£7,116కు లడ్డూ వేలం

వినాయక చవితి వేడుకల్లో నిర్వహించిన లడ్డూ వేలం కార్యక్రమానికి భక్తుల నుంచి విశేష స్పందన లభించింది. జయంత్ గుప్తా మాచెర్ల  £7,116కు లడ్డూను సొంతం చేసుకోవడం వేడుకల్లో ప్రత్యేక ఆకర్షణగా నిలిచింది.లండన్‌లో వరుసగా మూడోసారి శ్రీ గణేశ యువజన సంఘం ఆధ్వర్యంలో వినాయక చవితి ఉత్సవాలను విజయవంతంగా నిర్వహించుకోవడం వెనుక సహకరించిన ప్రతి ఒక్కరికీ సంఘం సభ్యులు మరోసారి కృతజ్ఞతలు తెలిపారు.భవిష్యత్తులోనూ అందరి సహకారం, ఆశీస్సులతో మరిన్ని ఆధ్యాత్మిక, సామాజిక కార్యక్రమాలను నిర్వహిస్తామని శ్రీ గణేశ యువజన సంఘం లండన్ సభ్యులు తెలిపారు.గణపతి బప్పా మోరియా! ????
జై శ్రీ గణేశా! ????️????