యువతకు స్ఫూర్తిదీపం.. అబ్దుల్ కలాం

దేశ సేవలో చెరగని ముద్ర వేసిన మహనీయుడు

ఆయన జీవితం నేటి తరానికి ఆదర్శం

భారతరత్న జయంతి సందర్భంగా ఘన నివాళి

సూర్య స్టేట్ బ్యూరో అమరావతి : 

 మాజీ రాష్ట్రపతి, భారతరత్న డాక్టర్‌ ఏపీజే అబ్దుల్‌ కలాం జీవితం నేటి తరానికి స్ఫూర్తిదాయకమని ఐటీ, విద్యాశాఖ మంత్రి నారా లోకేష్  పేర్కొన్నారు. అబ్దుల్‌ కలాం జయంతి సందర్భంగా గురువారం ఆయనకు ఘన నివాళులర్పించారు. శాస్త్రవేత్తగా దేశానికి ఎనలేని సేవలందించడంతో పాటు రాష్ట్రపతిగా భారతదేశ ఔన్నత్యాన్ని మరింత పెంచిన మహనీయుడు కలాం అని కొనియాడారు. తన ప్రసంగాలతో విద్యార్థులు, యువతలో స్ఫూర్తి నింపి ఉన్నత లక్ష్యాల వైపు నడిపించిన గొప్ప మార్గదర్శకుడని పేర్కొన్నారు. నిరాడంబర జీవనం, క్రమశిక్షణ, దేశభక్తితో కోట్లాది మంది హృదయాల్లో చిరస్థాయిగా నిలిచిపోయారని తెలిపారు. భారతరత్న అబ్దుల్‌ కలాం జయంతి సందర్భంగా దేశానికి ఆయన అందించిన విశిష్ట సేవలను ప్రతి ఒక్కరూ స్మరించుకోవాలని కోరారు.