యాంటీబయాటిక్స్ దుర్వినియోగంపై రీల్స్

పద్మావతి మహిళా విశ్వవిద్యాలయం ఇన్స్టిట్యూట్ ఆఫ్ ఫార్మాస్యూటికల్ టెక్నాలజీ లో ప్రపంచ ఫార్మాసిస్ట్ దినోత్సవం, జాతీయ ఫార్మాసిస్ట్ వారోత్సవాలు-2026 ఘనంగా నిర్వహించారు. ఫార్మసీ కౌన్సిల్ ఆఫ్ ఇండియా  ఆదేశాల మేరకు ఇన్స్టిట్యూట్ స్థాయిలో 7 రకాల కార్యకలాపాలను ప్రారంభించారు. ఇందులో విజేతలు నిలిచిన వారు ప్రాంతీయ స్థాయి పోటీలకు ఎంపిక కానున్నారు. ఈ నేపథ్యంలో బుధవారం నోడల్ ఆఫీసర్ ప్రొఫెసర్ వై.ఇందిరా ముజిబ్ పర్యవేక్షణలో ప్రొఫెసర్ బి.జీవన జ్యోతి అధ్యక్షతన, ప్రొఫెసర్ కె.స్వాతి సమన్వయకర్తగా ఇన్స్టిట్యూట్ ఆఫ్ ఫార్మాస్యూటికల్ టెక్నాలజీలో రీల్ మేకింగ్ యాక్టివిటీ నిర్వహించారు. ఫార్మసీ విద్యార్థినులు బృందాలుగా ఏర్పడి రీల్ వీడియోలను చిత్రీకరించారు. డాక్టర్ ప్రిస్క్రిప్షన్ లేకుండా అతిగా యాంటీబయాటిక్స్ వాడడం వల్ల కలిగే నష్టాలు, భవిష్యత్ తరాలపై చూపే ప్రభావంపై వీడియోల ద్వారా అవగాహన కల్పించారు.