వర్షాల కోసం వరుణ జపం..

 చీమకుర్తి మండలం రామతీర్థంలోని శ్రీ మోక్షరామలింగేశ్వర స్వామి వారి ఆలయంలో వర్షాలు సమృద్ధిగా కురవాలని ఆకాంక్షిస్తూ దేవదాయ శాఖ ఆధ్వర్యంలో కోనేరులో వరుణ జపం కార్యక్రమం నిర్వహించారు. వర్షాలు లేక రైతులు, ప్రజలు ఇబ్బందులు పడుతున్న నేపథ్యంలో ఆలయ అర్చకులు ప్రత్యేక పూజలు చేపట్టారు. ముందుగా వరుణ జపాలు నిర్వహించి, అనంతరం హోమాలు చేపట్టారు. ఆ తర్వాత మహాశివుడికి ప్రత్యేక అభిషేకాలు నిర్వహించారు. రాష్ట్రంలో సమృద్ధిగా వర్షాలు కురిసి పంటలు పండాలని పూజలు నిర్వహించారు.   ఈ కార్యక్రమంలో దేవదాయ శాఖ ఈఓ రజిని, టీడీపీ నాయకులు మన్నం ప్రసాద్, టీడీపీ పట్టణ అధ్యక్షుడు ముప్పూరి చలమయ్య, తదితరులు పాల్గొన్నారు.