వైసీపీకి గట్టి షాక్.. టీడీపీలోకి చేరికలు

ఎమ్మిగనూరు, సూర్య ప్రతినిధి 
గోనెగండ్ల మండలం చిన్నమారివీడు గ్రామంలో వైఎస్సార్‌సీపీకి గట్టి ఎదురుదెబ్బ తగిలింది. గ్రామానికి చెందిన పలువురు వైసీపీ నాయకులు, కార్యకర్తలు తెలుగుదేశం పార్టీలో చేరారు. మాజీ సర్పంచ్ బోయ చంద్రశేఖర్, మాజీ ఎంపీటీసీ బసప్పతో పాటు చంద్ర, దొరబాబు, రామచంద్ర, భూపాల్, విద్యాసాగర్, అరవింద్ తదితరులు తమ సుమారు 80 మంది అనుచరులతో కలిసి ఎమ్మెల్యే డాక్టర్ బి.వి. జయ నాగేశ్వర రెడ్డి సమక్షంలో టీడీపీ తీర్థం పుచ్చుకున్నారు.
ఈ సందర్భంగా ఎమ్మెల్యే పార్టీలో చేరిన వారికి టీడీపీ కండువాలు కప్పి సాదరంగా ఆహ్వానించారు. కూటమి ప్రభుత్వం అమలు చేస్తున్న అభివృద్ధి కార్యక్రమాలు, సంక్షేమ పథకాల పట్ల ఆకర్షితులై టీడీపీలో చేరినట్లు నూతనంగా పార్టీలో చేరిన నాయకులు తెలిపారు.రాబోయే స్థానిక సంస్థల ఎన్నికల్లో టీడీపీ అభ్యర్థుల విజయానికి తమ వంతు కృషి చేస్తామని, పార్టీ బలోపేతానికి కృషి చేస్తామని వారు వెల్లడించారు.చిన్నమారివీడులో టీడీపీలోకి భారీ చేరికలతో పార్టీ శ్రేణుల్లో ఉత్సాహం నెలకొంది. రాబోయే ఎన్నికల్లో పార్టీ విజయమే లక్ష్యంగా నాయకులు, కార్యకర్తలు సమష్టిగా ముందుకు సాగుతామని పేర్కొన్నారు.
A. R. శరత్ కుమార్ సూర్య ప్రతినిధి ఎమ్మిగనూరు, కర్నూలు జిల్లా