తోటపల్లిలో భక్తులకు ఉచిత మజ్జిగ పంపిణీ

పంపిణీ చేసిన సేవా ట్రస్ట్ సభ్యురాలు అన్నపూర్ణమ్మ

గరుగుబిల్లి, అక్టోబర్ 17, మేజర్ న్యూస్:ఉత్తరాంధ్రలో చిన తిరుపతిగా ప్రసిద్ధి చెందిన తోటపల్లి శ్రీవెంకటేశ్వర స్వామిని దర్శించుకునేందుకు వచ్చిన భక్తులకు శనివారం సేవా ట్రస్ట్ సభ్యురాలు వెలగాడ అన్నపూర్ణమ్మ ఉచిత మజ్జిగ పంపిణీ చేశారు.తోటపల్లి శ్రీ వెంకటేశ్వర స్వామిని దర్శించుకునేందుకు ప్రతి శనివారం ఇటు ఉమ్మడి విజయనగరం పార్వతీపురం మన్యం జిల్లాలతో పాటు శ్రీకాకుళం జిల్లా నుంచి పలు ప్రాంతాలకు చెందిన భక్తులు అధిక సంఖ్యలో తరలివస్తుంటారు.ఈమేరకు శ్రీ వెంకటేశ్వర స్వామిని దర్శించుకునేందుకు వస్తున్న భక్తులకు దాహార్తిని తీర్చేందుకు సేవా ట్రస్ట్ సభ్యురాలు వెలగాడ అన్నపూర్ణమ్మ భక్తులకు మజ్జిగ పంపిణీ కార్యక్రమం చేపట్టారు. శ్రీవెంకటేశ్వర స్వామిని దర్శించుకునేందుకు వచ్చిన భక్తులకు మజ్జిగ పంపిణీ చేయడంతో ఆయా ప్రాంతాలకు చెందిన పలువురు భక్తులు సేవా ట్రస్ట్ సభ్యురాలు వెలగాడ అన్నపూర్ణమ్మను అభినందించారు.ఈ సందర్భంగా సేవా ట్రస్ట్ సభ్యురాలు వెలగాడ అన్నపూర్ణమ్మ మాట్లాడుతూ శ్రీ వెంకటేశ్వర స్వామిని దర్శించుకునేందుకు వచ్చిన భక్తులకు మజ్జిగ పంపిణీ చేయడం తనకు ఎంతో ఆనందంగా ఉందని పేర్కొన్నారు.తనకు అవకాశం ఉన్నంతవరకు ప్రతి శనివారం భక్తులకు మజ్జిగ పంపిణీ చేయనున్నట్లు తెలిపారు.ఈ కార్యక్రమంలో తోటపల్లి టెంపుల్స్ డెవలప్మెంట్ సేవా ట్రస్ట్ సభ్యులు మార్కొండ వాసుదేవరావు తదితరులు పాల్గొన్నారు.