స్థానిక సమరానికి నిఘా 'వ్యూహం'

​స్థానిక సంస్థల ఎన్నికలపై ఎస్పీ పి. జగదీష్ ఐపీఎస్ ముందస్తు ప్రణాళిక.అధికారులతో జూమ్ కాన్ఫరెన్స్... ‘పల్లె నిద్ర’తో ప్రజలకు దగ్గరవ్వాలని పిలుపు

​అనంతపురం

రాష్ట్రంలో త్వరలో జరగనున్న స్థానిక సంస్థల ఎన్నికలను ప్రశాంత వాతావరణంలో, నిష్పాక్షికంగా నిర్వహించేందుకు అనంతపురం జిల్లా పోలీస్ యంత్రాంగం పక్కా ప్రణాళికతో ముందస్తు చర్యలు వేగవంతం చేసింది. ఇందులో భాగంగా జిల్లా ఎస్పీ శ్రీ పి. జగదీష్ IPS బుధవారం జిల్లాలోని ఎస్సైలు, సీఐలు, డీఎస్పీలతో జూమ్ కాన్ఫరెన్స్ ద్వారా కీలక సమీక్షా సమావేశం నిర్వహించారు. గురువారం రాష్ట్ర ఎన్నికల కమీషన్ నిర్వహించనున్న అత్యున్నత స్థాయి సమావేశం నేపథ్యంలో అధికారులకు పలు పటిష్టమైన మార్గదర్శకాలను జారీ చేశారు.