సీఎం చంద్రబాబు పర్యటనపై 2న కూటమి నేతల సమావేశం

ప్రొద్దుటూరు అర్బన్ మేజర్ న్యూస్ :

రాష్ట్ర ముఖ్యమంత్రి నారా చంద్రబాబు నాయుడు అక్టోబర్‌ 5న ప్రొద్దుటూరు పర్యటనకు రానున్న నేపథ్యంలో కూటమి ప్రభుత్వ నాయకులు, కార్యకర్తలతో సమావేశం నిర్వహించనున్నారు. అక్టోబర్‌ 2న సాయంత్రం 4 గంటలకు యర్రగుంట్ల బైపాస్‌ రోడ్డులోని భారత్‌ ఫంక్షన్‌ హాల్‌లో ఈ సమావేశం ఏర్పాటు చేసినట్లు ఎమ్మెల్యే నంద్యాల వరదరాజుల రెడ్డి ఒక ప్రకటనలో తెలిపారు. ఎమ్మెల్యే నంద్యాల వరదరాజుల రెడ్డి, టీడీపీ యువ నాయకుడు నంద్యాల కొండారెడ్డి ఆధ్వర్యంలో జరిగే ఈ సమావేశానికి కూటమి నాయకులు, కార్యకర్తలు, నందమూరి అభిమానులు, క్లస్టర్‌, యూనిట్‌, బూత్‌ ఇన్‌చార్జీలు, కేఎస్‌ఎస్‌ సభ్యులు హాజరు కావాలని కోరారు. ముఖ్యమంత్రి పర్యటన ఏర్పాట్లు, కార్యక్రమాన్ని విజయవంతం చేయడానికి చేపట్టాల్సిన చర్యలపై సమావేశంలో చర్చించనున్నట్లు తెలిపారు.