సర్వమత ప్రార్థనల అనంతరం ఎంపీటీసీగా ఎంపీపీ అభ్యర్థి నామినేషన్

పాములపాడు:మేజర న్యూస్ మండల పరిధిలోని వెంపెంట గ్రామానికి చెందిన మాజీ సర్పంచ్ టేకురి రామసుబ్బమ్మ, సామాజికవేత్త టేకురి నాగేశ్వరరావు సర్వమత ప్రార్థనలు నిర్వహించిన అనంతరం ఎంపీటీసీ అభ్యర్థిగా నామినేషన్ దాఖలు చేశారు.

ముందుగా జూటూరు మజరా గ్రామమైన కోల్స్ ఆనందపురంలోని చర్చిలో ప్రత్యేక ప్రార్థనలు నిర్వహించారు. అనంతరం జూటూరు పీర్ల చావడి వద్ద ప్రార్థనలు చేసి, సాయిబాబా ఆలయాన్ని సందర్శించి పూజలు నిర్వహించారు.

అనంతరం మండల కేంద్రమైన పాములపాడుకు చేరుకుని ఎంపీడీవో కార్యాలయంలో ఎన్నికల రిటర్నింగ్ అధికారి రాజుకు నామినేషన్ పత్రాలను అందజేశారు.

ఈ సందర్భంగా వారు మాట్లాడుతూ, తెలుగుదేశం పార్టీని నమ్ముకుని పనిచేస్తున్న తమకు పార్టీ న్యాయం చేసిందని తెలిపారు. ఎంపీటీసీగా ఎన్నికైతే మండల అభివృద్ధికి కృషి చేస్తామని టేకురి రామసుబ్బమ్మ, టేకురి నాగేశ్వరరావు పేర్కొన్నారు.