రూ 100 కోట్లు టర్న్ అవర్ దిశగా సొసైటీ
రూ.100 కోట్ల టర్నోవర్ దిశగా సొసైటీ
సొసైటీ చైర్పర్సన్ బొంతు సత్యనారాయణ
టి.నరసాపురం మేజర్ న్యూస్: కె.జగ్గవరం సహకార సంఘాన్ని ప్రణాళికాబద్ధంగా అభివృద్ధి చేస్తూ రూ.100 కోట్లకు పైగా టర్నోవర్ సాధించే దిశగా ముందుకు తీసుకెళ్తున్నట్లు సొసైటీ చైర్పర్సన్ బొంతు సత్యనారాయణ తెలిపారు.
కె.జగ్గవరం సొసైటీ పరిధిలో గల బందంచర్ల ఎరువుల గోడౌన్ ప్రాంగణంలో గురువారం చైర్పర్సన్ బొంతు సత్యనారాయణ, సీఈఓ వీర వెంకయ్య, అధ్యక్షతన సంఘ మహాజన సభ నిర్వహించారు.ఈ సందర్భంగా బొంతు సత్యనారాయణ మాట్లాడుతూ సహకార సంఘాన్ని అభివృద్ధి పథంలో నడిపించేందుకు శక్తివంచన లేకుండా కృషి చేస్తున్నట్లు తెలిపారు.
రాజుపోతేపల్లి అడ్డరోడ్డు వద్ద ఉన్న సంఘ పెట్రోల్ బంక్ సమీపంలో ఎంపీఎఫ్సీ గోడౌన్, గుడ్లపల్లి సొసైటీ భవనం ఎదురుగా,తెడ్లం ఎరువుల గోడౌన్ సమీపంలో అవసరమైన నిర్మాణాలు చేపట్టేందుకు ప్రతిపాదనలు రూపొందిస్తున్నట్లు తెలిపారు.సొసైటీ కార్యకలాపాలను విస్తరించడంతో పాటు రైతులకు మరింత మెరుగైన సేవలు అందించేలా చర్యలు తీసుకుంటున్నట్లు చెప్పారు.
సంఘ మాజీ అధ్యక్షులు వాసిరెడ్డి మధు మాట్లాడుతూ దాతలు సంఘానికి అందించిన స్థలంలో మహాజన సభ నిర్వహించడం వారికి ఎంతో ఆనందాన్ని కలిగిస్తుందన్నారు. ప్రతి మహాజన సభను దాతలు సంఘానికి అందించిన స్థలాల్లో నిర్వహించడం ద్వారా రైతులకు సంఘ కార్యకలాపాలపై అవగాహన పెరుగుతుందని తెలిపారు.రైతుల సహకారంతో సంఘం మరింత అభివృద్ధి చెందుతుందని పేర్కొన్నారు.
అనంతరం సీఈఓ తనగాల వీరవెంకయ్య మహాజన సభలో బడ్జెట్ను చదివి వినిపించారు. కార్యక్రమంలో చైర్పర్సన్లు పేరాబత్తుల జగన్,బాల విఘ్నేష్,జయ్యవరపు శ్రీరామ్ మూర్తి,పొలిమెర వెంకటేశ్వరరావు, భీమవరపు జగన్మోహన్రావు,వంటిపల్లి సుబ్రహ్మణ్యం, కుమారస్వామి,ఆచంట కుటుంబరావు, తోపాటు సంఘ సిబ్బంది, రైతులు పాల్గొన్నారు.
