రైలు లో దొరికిన లాబ్ టాబ్, నగదు విలువైన పత్రాలను పోలీసులుకు అప్పగింత

తూర్పుగోదావరి జిల్లా

రైలు లో దొరికిన ల్యాప్‌టాప్‌, నగదు, విలువైన పత్రాలు పోలీసులకు అప్పగింత

 రైలులో ప్రయాణిస్తుండగా తన పక్క బెర్తులో ప్రయాణికుడు వదిలివెళ్లిన నీలం రంగు బ్యాగును గుర్తించి, అందులోని విలువైన వస్తువులను పోలీసులకు అప్పగించి నిజాయితీని చాటుకున్నారు తూర్పుగోదావరి జిల్లా పెరవలి మండలం తీపర్రు గ్రామానికి చెందిన తీపర్తి చింతామణి.

సెప్టెంబర్ 20వ తేదీన తిరుపతి నుంచి తణుకు వస్తున్న రైలులో తీపర్తి చింతామణి ప్రయాణిస్తుండగా, ఆయన పక్క బెర్తులో ప్రయాణించిన ఓ వ్యక్తి నీలం రంగు బ్యాగును వదిలివెళ్లారు. ఈ విషయాన్ని గమనించిన చింతామణి బ్యాగును తీసుకుని తన స్వగ్రామమైన తీపర్రు చేరుకున్నారు.అనంతరం గ్రామ పెద్ద ప్రత్తిపాటి ప్రసాద్‌ను సంప్రదించి విషయాన్ని తెలియజేశారు. ఆయన సూచన మేరకు బ్యాగును తీసుకుని పెరవలి పోలీస్ స్టేషన్‌కు వెళ్లి పోలీసులకు అప్పగించారు.బ్యాగును పరిశీలించిన ఎస్‌ఐ అందులో లభించిన ఆధారాల ఆధారంగా సంబంధిత ఫోన్ నంబర్లకు సమాచారం అందించారు. దీంతో బ్యాగు యజమాని హైదరాబాద్‌కు చెందిన ఎం. కుమారస్వామి పెరవలి పోలీస్ స్టేషన్‌కు చేరుకున్నారు.బ్యాగులో ఉన్న లెనోవా ల్యాప్‌టాప్‌, కొంత నగదు, ఏటీఎం కార్డులు, పాన్ కార్డు, బట్టలు, ఒరిజినల్ పత్రాలు తదితర వస్తువులను ఎస్‌ఐ కుమారస్వామికి అందజేశారు.ఈ సందర్భంగా బ్యాగును నిజాయితీగా పోలీసులకు అప్పగించి యజమానికి చేరేలా సహకరించిన తీపర్తి చింతామణి, గ్రామ పెద్ద ప్రత్తిపాటి ప్రసాద్‌లకు ఎస్‌ఐ కృతజ్ఞతలు తెలిపారు.ఈ సందర్భంగా ఎస్‌ఐ మాట్లాడుతూ ఇతరులకు చెందిన వస్తువులు దొరికినప్పుడు వాటిని తమ సొంత వస్తువులుగా భావించకుండా, అసలు యజమానులకు అందించే విధంగా ప్రతి ఒక్కరూ నిజాయితీగా వ్యవహరించాలని సూచించారు.