రామాపురం పల్లె పండుగకు భారీగా తరలిరావాలి

టీడీపీ నియోజకవర్గ యువ నాయకుడు పోతిరెడ్డి తిరుపతిరెడ్డి పిలుపు

పామూరు, మేజర్ న్యూస్ : 

ఈ నెల 29న రామాపురంలో నిర్వహించనున్న పల్లె పండుగ–3.0 కార్యక్రమానికి రాష్ట్ర ముఖ్యమంత్రి నారా చంద్రబాబు నాయుడు, ఉప ముఖ్యమంత్రి కొణిదెల పవన్‌ కళ్యాణ్‌ హాజరుకానున్న నేపథ్యంలో కార్యక్రమాన్ని విజయవంతం చేయాలని తెలుగుదేశం పార్టీ నియోజకవర్గ యువ నాయకుడు, ప్రముఖ రియల్టర్‌ పోతిరెడ్డి తిరుపతిరెడ్డి పిలుపునిచ్చారు. నియోజకవర్గంలోని టీడీపీ నాయకులు, కార్యకర్తలు, ప్రజలు పెద్ద సంఖ్యలో రామాపురానికి తరలివచ్చి కార్యక్రమంలో పాల్గొనాలని ఆయన కోరారు. నియోజకవర్గంలోని గ్రామాల నుంచి పార్టీ శ్రేణులు సమన్వయంతో పనిచేసి ప్రజలను కార్యక్రమానికి తరలించేలా కృషి చేయాలని సూచించారు. ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్‌ కళ్యాణ్‌ పాల్గొనే పల్లె పండుగ–3.0 కార్యక్రమాన్ని విజయవంతం చేసేందుకు ప్రతి ఒక్కరూ భాగస్వాములు కావాలని పోతిరెడ్డి తిరుపతిరెడ్డి తెలిపారు.