పోలింగ్ బూత్ ల నిర్వహణ తీరును పరిశీలించిన కమిషనర్

నెల్లూరు, కార్పొరేషన్, మేజర్ న్యూస్  :  అడిషనల్ ఎలక్షన్ అథారిటీ / కమిషనర్ వై.ఓ నందన్ సాధారణ ఎన్నికల ప్రక్రియ ఏర్పాట్ల నిర్వహణలో భాగంగా వివిధ పోలింగ్ బూత్ ల నిర్వహణ తీరును అధికారులతో కలిసి బుధవారం పరిశీలించారు. స్థానిక పొదలకూరు రోడ్డు ప్రాంతంలో తెలుగు గంగ కాలనీ, గాదంశెట్టి రోశయ్య నగర్, గాంధీ నగర్, వెంగళరావు నగర్, డి.కె.మహిళా కళాశాల, సర్వోదయ కళాశాల, పాలిటెక్నిక్ కాలేజ్, ఫతేఖాన్ పేట కొండాయపాలెం డొంక పాఠశాల, రామయ్య బడి, డి.ఎస్.ఆర్, వేద సంస్కృత పాఠశాల, ఈ.ఎస్.ఆర్.ఎమ్ పాఠశాల, ఇరుగాలమ్మ దేవస్థానం సమీపం, తదితర ప్రాంతాలలోని పోలింగ్ బూతులను కమిషనర్ తనిఖీ చేసి, ఓటింగ్ నిర్వహణకు అవసరమైన వసతులను పరిశీలించారు. మెరుగైన పారిశుధ్య నిర్వహణ చేపట్టి ప్రాంగణాలను పరిశుభ్రంగా ఉంచాలని శానిటేషన్ విభాగం అధికారులను కమిషనర్ ఆదేశించారు. కొన్ని ప్రాంతాలలో స్థానికులతో కమిషనర్ ప్రత్యక్షంగా మాట్లాడి ఓటు హక్కు వినియోగంపై అవగాహన కల్పించారు. ప్రతి ఒక్కరు తప్పనిసరిగా తమ ఓటు హక్కును వినియోగించుకోవాలని సూచించారు. వెంగళరావు నగర్ తాతయ్య బడి ప్రాంతంలో పారిశుధ్య నిర్వహణ పనులను కమిషనర్ పర్యవేక్షించి, వాతావరణానికి అనుకూలంగా రైన్ కోట్లు ధరించి విధుల్లో పాల్గొనాలని సిబ్బందికి సూచించారు.
ఈ కార్యక్రమంలో నెల్లూరు నగరపాలక సంస్థ సిటీ ప్లానర్ రఘునాథరావు, హెల్త్ ఆఫీసర్ డాక్టర్. ఓ.దినేష్,సర్వేయర్ కామేశ్వరరావు, ఇంజనీరింగ్ విభాగం ఏ.ఈ ఫాజిల్, శానిటేషన్ ఇన్స్పెక్టర్లు, వార్డు సచివాలయ కార్యదర్శులు, సిబ్బంది పాల్గొన్నారు.