పేకాట స్థావరంపై పోలీసుల దాడి.. ఆరుగురు అరెస్టు

కామవరపుకోట, మేజర్‌న్యూస్ :  పేకాట శిబిరంపై దాడి చేసి ఆరుగురు జూదరులను అరెస్టు చేసినట్టు తడికలపూడి ఎస్‌.ఐ వల్లీ పద్మ తెలిపారు. వివరాల ప్రకారం సీఐ ఎంవి. సుభాష్‌ ఆదేశాల ప్రకారం బుధవారం ఎస్‌.ఐ వల్లీ పద్మ సాగిపాడు పంచాయతీ పరిధిలో పేకాట ఆడుతున్న శిబిరంపై దాడి చేసి ఆరుగురిని అరెస్టు చేసినట్టు తెలిపారు. జూదరుల వద్ద నుంచి రు. 3200 నగదుతో పాటు ఒక మోటార్‌ సైకిల్, ఐదు సెల్‌ఫోన్లు స్వాధీనం చేసుకున్నట్టు తెలిపారు. నిందితులపై సంబంధిత చట్టాల ప్రకారం కేసు నమోదు చేసి న్యాయపరమైన చర్యలు చేపట్టినట్టు ఎస్‌.ఐ తెలిపారు. ప్రజలు తమ పరిసరాల్లో జూదం ఆడుతున్నట్టు గుర్తిస్తే డయల్‌ 112 లేదా 9440796678 నెంబర్‌కు సమాచారం అందించాలని కోరారు. సమాచారం అందించిన వారి వివరాలను పూర్తిగా గోప్యంగా ఉంచుతామని ఎస్‌.ఐ తెలిపారు.

 రిపోర్టర్ సుభాష్ కామవరపుకోట ఏలూరు జిల్లా