నెట్టికంటి ఆంజనేయస్వామిని దర్శించుకున్న సినీ హీరో విజయ్ దేవరకొండ

గుంతకల్లు / అనంతపురం జిల్లా:అనంతపురం జిల్లా గుంతకల్లు మండలం కసాపురం గ్రామంలో ప్రసిద్ధి గాంచిన శ్రీ నెట్టికంటి ఆంజనేయస్వామి వారిని ప్రముఖ టాలీవుడ్ సినీ హీరో విజయ్ దేవరకొండ దర్శించుకున్నారు.

ఈ సందర్భంగా ఆలయానికి విచ్చేసిన విజయ్ దేవరకొండకు ఆలయ అధికారులు, అర్చకులు మరియు వేద పండితులు ఘన స్వాగతం పలికారు. అనంతరం ఆలయ గర్భాలయంలో విజయ్ దేవరకొండ తన కుటుంబ సభ్యులతో కలిసి స్వామివారికి ప్రత్యేక పూజలు, అర్చనలు నిర్వహించారు. మొక్కులు చెల్లించుకున్న అనంతరం వేద పండితులు ఆయనకు వేద మంత్రోచ్ఛారణలతో ఆశీర్వదించి, స్వామివారి శేష వస్త్రం ಹಾಗೂ తీర్థ ప్రసాదాలను అందజేశారు.