నేడు వైద్య ధృవీకరణకు చివరి అవకాశం -ఉదయం 9 గంటలకు రుయా ఆసుపత్రికి హాజరుకావాలి : డీఈఓ

ఎడ్యుకేషన్ స్టాప్ రిపోర్టర్ : ప్రిఫరెన్షియల్ కేటగిరీ, స్పెషల్ పాయింట్ల కోసం వైద్య ధృవీకరణ పూర్తి చేసుకోని అర్హులైన ఉపాధ్యాయులు, ప్రధానోపాధ్యాయులు, బోధనేతర సిబ్బందికి శుక్రవారం చివరి అవకాశం కల్పించినట్లు జిల్లా విద్యాశాఖ అధికారి కెవిఎన్ కుమార్ తెలిపారు.పాఠశాల విద్యాశాఖ డైరెక్టర్ ఆదేశాల మేరకు నూతన జిల్లాల పునర్విభజన ఉత్తర్వులు-2026 ప్రకారం సంబంధిత సిబ్బంది  ఉదయం 9.00 గంటలకే తిరుపతిలోని రుయా ప్రభుత్వ ఆసుపత్రికి హాజరై వైద్య పరీక్షలు చేయించుకోవాలని సూచించారు. ఇప్పటికే పలువురు పరీక్షలు పూర్తి చేసుకుని ధృవీకరణ పత్రాలు పొందారని, తిరుపతి, పుత్తూరు, చిత్తూరు, మదనపల్లి, రాయచోటి, రైల్వే కోడూరు డివిజన్లు, చిత్తూరు నుంచి తిరుపతిలో కలిసిన 5 మండలాలు, నెల్లూరు నుంచి తిరుపతిలో కలిసిన 11 మండలాల పరిధిలో ఇప్పటివరకు వైద్య ధృవీకరణ పత్రాలు పొందని వారు హాజరు కావాలన్నారు. క్యాన్సర్, ప్రధాన నాడీ శస్త్రచికిత్స, మూత్రపిండ మార్పిడి, కాలేయ మార్పిడి, ఓపెన్ హార్ట్ సర్జరీ, మానసిక వైకల్యం ఉన్న పిల్లలకు సంబంధించిన కేటగిరీలలో అర్హత కలిగిన వారు తమకు సంబంధించిన వైద్య నివేదికలు, ధ్రువపత్రాలు, ఇతర అవసరమైన పత్రాలను వెంట తీసుకురావాలని సూచించారు. ఇప్పటివరకు వైద్య ధృవీకరణ పూర్తి చేసుకోని వారు శుక్రవారం నిర్వహించే చివరి అవకాశాన్ని సద్వినియోగం చేసుకోవాలని ఆయన కోరారు.

సీఎం గౌడ్ తిరుపతి స్టాప్ రిపోర్టర్